Popular Bible Verses from Luka 3

Share

Hwane nya gu vathu vatshavbo na va bhapatisidwe Jesu a diya bhapatiswa nuye. Na romo vbakari nya nombelo, ndzadzini gu di tulega; Liphuvbo nya Guage li di tshiga lita mbaka vbatshani gwaye kha nga lituva. Li dita lito khu Ndzadzini li nga, khilo: “Uwe u Mwamana wangu nya gigodwa ngudzu; u nengedzisago monyo wangu.”

Johane a di va embela vatshavbo, khuye: “Khu lisine, eni nya gu mi bhapatisani khu mati, aholu a nguta uye a gu ni tshivba gu nyi vbindra, oyu eni nyi gu mwalo fanelo nya gunoge nyi mu tshula dzingodzi nya silato saye; uye a nata mi bhapatisani khu Liphuvbo nya Guage ni nilo.

Nonedzani mihandro yi yeyedzago gu vbindrugedza mavbanyelo; mu nga dzi pembi sanu, khenu: Ethu hi na ni babe Abrahama. Dzitini nya gukhenu Nungungulu a ngu dzi kodza gu vbindrugedza siwindri sesi si khala sanana sa Abrahama.

Gibhewula gyomo tshinani nya misimbo. Khu kharato, simbo watshavbo wu si ningigo mihandro nya yadi wu na kokwa, wu rinywa niloni.”

kha nga gu lovidwego mulibhukuni la muprofeti Isaya, pwani: “Lomo lito li huwelelago mugiwulani, khilo: Dongiselani ndzila ya Pfhumu, lulamisani sindzilana saye; mikova yatshavbo yi na futedwa, ni sigomo satshavbo si na guledwa, dzindzila nya guwegele dzi na lulamiswa, nidzo nya sikidinga dzi na futeledwa. Vathu vatshavbo va na wona guvbanyisa ga Nungungulu.”