Popular Bible Verses from Johane 14

Share

“Nyi ngu mi tshiyelani gurula, nyi ngu mi ningani gurula gwangu. Kha nyi ningi gurula kha nga idzo li ningago khidzo litigo. Mu nga garadzegini myonyo yanu, gambe mu nga thavi gilo.

Jesu a di khuye: “Eni kheni ndzila, ni lisine, ni guvbanya. Mwalo a vbohago ga Babe nyamba yiswa kheni.

“Mu nga garadzegi myonyo yanu. Khodwani ga Nungungulu, mu khodwa gambe gwangu.

Aholu, Muphasedzeli, a gu Liphuvbo nya Guage, lile Babe a na mi rumelago khu lina langu, li nata mi hevbudza silo satshavbo, ni guta mi dundrugisa satshavbo iso nyi nga mi hevbudzani.

“Oyu atigo milayo yangu, a gu yi vegedza, khuye a nyi golago. Gasi oyu a nyi golago, a ngu godwa khu Babe wangu, eni nyi na mu gola nyi dzi yeyedza gwaye.”

Eni nyi na lomba ga Babe, a mi rumela mumbe Muphasedzeli a gu Liphuvbo nya lisine a nata khalago nanu gikhati gyatshavbo. Va nya litigo kha va dzi kodzi gu li hakha, kholu kha va li woni gambe kha va liti. Gasi enu mu ngu liti kholu ilo la gu vbanya vbakari gwanu ni ndrani gwanu.

Ni gevbini mu na lombago khu lina langu, nyi na mi girelani, gasi Babe afela gu dhumiswa khu Mwanaye. Igyo mu na gu lombago khu lina langu, eni nyi na mi girelani.

“Mwa gu nyi gola, mu na vegedza milayo yangu.

Ndrangani ga Babe momo malanga nya mangi. Nari pwani khandri kharato, na nyi mi embedeni gale. Nyi ngu mi thangela nyiya dongisela wulanga.

Nyi na wuya gambe nyita mi dzegani, gasi avbo nyi na bani nyi romo, mu manege nenu.

Tomasi a di khuye: “Pfhumu, ethu kha hi guti iyo u hongolago, hi na yiti kharini ndzila yakone?”