Popular Bible Verses from Genesi 50

Share

Enu khu lisine, mu nyi giredeni gikungo nya guvivbe; aholu Nungungulu a gi vbindrugedzide a gi gira nya gyadi gasi gu manega nya sadi, kha nga olu mu si wonago, gasi vathu nya vangi va kodze guvbanyiswa.

Josefa a di hakha, khuye: “Mu nga thavi; gasi eni nyi Nungungulu, gani?

Gasi olu, enu mu nga thavi; eni nyi na mi hodzisani gumogo ni sanana sanu.” Khu magana yaya, a di tangadzisa myonyo yawe.

Ganelani kharati ga Josefe, khenu: Tsetselela guvivba u giredwego khu vandriyago ni gighoho gyawe. Kholu va gu girede guvivba; gasi olu hi ngu gu lomba gukhethu u tsetselela gihoso gya sithumi sa Nungungulu wa babe wago. Josefe a di lila na va nga gu mu embeledzela.

Josefa a di embela vandriyaye, khuye: “Eni nyi ngufa; aholu Nungungulu khu lisine a na mi holelani, a na mi dusani khu tigoni momu, a mi yisa ga litigo a sambanyidego gu ninga Abrahama, Isaki ni Jakobe.”

Josefe a di sambanyisa sanana sa Israyeli a si embela, khuye: “Khu lisine, Nungungulu avbo a na guta mi holela, mu na rwala khavba marambo yangu mu hongola navo.”

Josefe fude nari ni tanga nya lizana ni likhumi myaga; va di sayisa girumbi gyaye va gi vega ngasani tigoni ga Egipito.