Popular Bible Verses from Genesi 39

Share

PFHUMU Nungungulu a diri ni Josefa, a di mu gira a katega ga mithumo yaye tatshavbo, a gu hakhwa gwadi nyumbani ga mune waye nya Mugipiti.

Khavbo avbo, a di vega mandzani ga Josefa satshavbo a nga bani ari naso, a di si dzi garadzi gambe khu gimbe gilo, vbavbandze basi nya guhodze. Josefa a diri wa gumbura ni giemo nya gukhadzisege.

Muthangeli nya lipaso a di mu vega gu khala muthangeli nya vakhedziseli nya sibotshwa satshavbo si nga bani si romo pasoni; satshavbo si nga bani si girwa pasoni si di thangedwa khu Josefa.

Mune wa Josefa a di ruma gu a modwa a khothedwa pasoni, umo si nga bani si khothedwe sibotshwa sa mufumeli. Uye a di khala pasoni. Aholu PFHUMU Nungungulu a diri ni Josefa, a di mu gira a godwa, a mana wuhigo mahoni ga muthangeli nya lipaso.

Gu di girega khu hwane nya satshavbo sesi, mwangadzi wa mune waye a di wona Josefa khu monyo nya gu mu dogorele, a mu embela, khuye: “Delu hi ta lala gumogo.” Josefa a di bomba, a mu embela, khuye: “Uwe u ngu dziti gukhuwe, mune wangu kha nyi henguli gilo ndrangani gwaye, ni gukhuwe vegide mandzani gwangu sigiro saye satshavbo.” “Mwalo mumbe nya guvbindre eni ndrangani momu, gambe uye kha nyi himbedzeli gimbe gilo vbavbandze ga uwe basi, kholu uwe u mwangadzi waye. Nyi ngu dzi kodza kharini eni gu gira gihoso nya gikhongolo nya kharato, nyi ghohela Nungungulu, na?”

Aholu litshigu limwedo, kha nga giolovedzo gyaye, a di bela nyumbani gasi guya thuma mithumo yaye nari mwalo mumbe muthu vbafuvbi, nyamayi a di mu mola khu gifenengelo, na gukhuye: “Delu hi ta lala gumogo.” Aholu Josefa a di tshutumuga a tutuma a duga nyumbani a mu tshiya ni guambala mandzani.