Popular Bible Verses from Matewu 3

Share

Wonegisani mihandro yi yeyedzago gu vbindrugedza gwanu.

Khavbo lito nya gute khu Ndzadzini li di, khilo: “Oyu khu Mwamana wangu nya guhaladzege ngudzu, a nengedzisago monyo wangu.”

Jesu na bhapatisidwe, a di duga khu matini. Avbovbo Ndzadzini gu di tulega, a wona Liphuvbo la Nungungulu na li gu relela kha nga lituva, li ta mbaka vbatshani gwaye.

Eni nya gu mi bhapatisa khu mati, gasi mu vbindrugedze; aholu uye a tago khu hwane gwangu a na ni tshivba gu nyi vbindre; eni nyi mwalo fanelo nya gutshule silato saye. Uye a na mi bhapatisa khu Liphuvbo nya Guage ni nilo.

Ambari ulo, gibhewula gi vegidwe mikhambani nya simbo; simbo watshavbo wu si ningigo mihandro wu na kokwa, wu gu rinywa niloni.

Khuye oyu a nga thudwa khu muprofeti Isaya, gikhati a nga khuye: Lomo lito li huwelelago mugiwulani, khilo: Dongiselani ndzila ya Pfhumu, lulamisani sindzilana saye.