Popular Bible Verses from Génesis 17

Share

Abram isqun chunka isqun (99) watayuq kaykaptinmi TAYTA DIOS yuripuykur nirqan: <<Noqam kä El-Shaddai. Ninqäkunata cäsur jutsata mana ruraypa imayyaqpis kaway.

Kananpitaqa manam Abramnatsu jutiki kanqa, sinöqa Abrahamnam. Tsaynö jutiki kanqa atska nación runakunapa papänin kanaykipä churashqa kaptïmi.

<<Kay pactuqa manam qamllapätsu kanqa, sinöqa tsurikikunapä, willkaykikunapä, willkaykikunapa tsurinkunapä y paykunapita mas miraqkunapäwanmi. Kay pactutaqa imaypis cumplishämi. Qampa Diosniki kanqänömi qampita miraqkunapapis Diosnin kashä.

<<Pactu ruranqäta cumplirmi atska nación runakunapa papänin kanaykipä churashayki.

Tsaynö niptinmi Tayta Dios nirqan: <<Manam Ismaelpätsu nï, sinöqa warmiki Sarachö yurinanpä kaq tsurikipämi. Tsay tsurikipa jutinmi kanqa Isaac. Pactu ruranqäqa Isaacpä y paypita miraqkunapämi imayyaqpis kanqa.

Qorpanölla taykanqayki Canaánchö markakunatam entregashayki. Tsaynöllam qampita miraqkunata entregashä imayyaqpis tsaychö täyänanpä. Qampita miraqkunapa Diosninmi imaypis kashä>>.

Tayta Dios tsaynö niptinmi yapay lätaykur Abraham shonqullanchö asikur nirqan: <<Pachak (100) watayuq kaykarnaqa ¿imanöpatä warmïtapis qeshyaqta ruräman? Sarapis isqun chunka (90) watayuqna kaykarqa ¡imanöpanash wamrayuq kanman!>>

Mastam Abrahamta Tayta Dios nirqan: <<Kananpitaqa warmikipa jutin manam Sarainatsu kanqa, sinöqa Saranam.

Señalakur penqaynikipa punta qaranta roquyanki. Tsaynö señalakurmi pactu ruranqäta chaskiyanki.

Peru pactuta ruranqämi sïqa Sarachö yuriq tsuriki Isaacpä kanqa. Watan kaynö witsanqa wamrayuqnam Sara kaykanqa>>.

Kananpita ollqu yuriq kaqtaqa puwaq junaqyuqllata pallunta señalayanki. Makikichö yuriqkunata y juklä nacionpita sirvishunaykipä rantinqayki runakunatapis tsaynölla señalayanki. Pactu ruranqäta imaypis yarpäyänaykipä llapayki mana qonqaypa señalakuyanki.