Popular Bible Verses from Génesis 11

Share

Tsayta rikaykurmi TAYTA DIOS yarpachakur nirqan: <<Paykunaqa tsay idiömallata parlarmi shumaq willanakur tsaynö ruraykäyan. Tsay markata y törrita shäritsiyta ushaskirqa mastam imatapis rurayanqa. Tsaynö kaykaptinqa paykunaman aywar pantatsishun tsay idiömallata manana parlayänanpä. Tsaynöpam juk idiöma juk idiömatana parlar manana tantiyanakuyanqanatsu imata parlaykäyanqantapis>>.

Tsaypita yapay willanakurmi niyarqan: <<Tsay ladrillukunawan jatun markata rurashun. Tsaynölla ciëluman chaqpä törrita shäritsishun. Tsaynöpam pïmaypis reqimäshun. Tsaymi mashtakashqa kanantsikpa rantin llapantsikpis kayllachöna täshun>>.

Tsay markachömi TAYTA DIOS pïmay runakunata pantakätsir idiömanta jukman jukman tikratsirqan. Tsaynö pantakätsinqanpitam tsay markapa jutin karqan Babel. Mana tantiyanakurnam runakunaqa maytsaypapis mashtakar aywakuyarqan.

Tsay witsan llapan runakuna juk idiömallatam parlayaq.

Tsaymi TAYTA DIOS ciëlupita urämurqan markata y törrita runakuna shäriykätsiyanqanta rikananpä.

Tsaynö nirmi TAYTA DIOS llapan runakunata maytsaymanpis mashtakätsirqan. Tsaynöpam shäritsiyanqan markata ushayarqannatsu.