Popular Bible Verses from Gálatas 4

Share

Wamran kashqam Tsurin Jesucristo awninqan Espíritu Santuta shonquntsikman Tayta Dios mandamurqan. Espíritu Santum Tayta Diosta imaypis nin: <<¡Abba, Papä!>> Tsaymi esclävunönatsu kantsik, sinöqa Tayta Diospa wamrankunanam kantsik. Wamranna karmi awnimanqantsik herenciata [Jesucristo raykur] chaskishun.

Promitinqan junaq chämuptinmi Tayta Dios Tsurinta mandamurqan. Payqa noqantsiknö yurishqa karmi tsay leykunapa poderninchö karqan. Tsaynö karqan leykunapa poderninchö kanqantsikpita salvamänantsikpämi. Tsaynöpam paypa wamrankunana kanantsikpä qorimarquntsik.

Kananmi sïqa Tayta Diosta reqiyanki y paypis reqiyäshunki. Tsaynö kaykaptinqa ¿imanirtä Moisés qellqanqan leykunata cumpliyta munar yapay esclävunö kayta munaykäyanki?