Popular Bible Verses from Éxodo 9

Share

Tsaynö kaptinpis maytsaychöpis täraq runakuna poderösu kanqäta musyayänanpämi qamta ushakätsirqütsu.

Tsaypitam Moisésta TAYTA DIOS nirqan: <<Aywaykur Faraónta ninki: <Hebreo runakunapa TAYTA DIOSNINMI nin: Kuyanqä hebreo runakunata adoramaq aywayänanpä dëjay.

Munarqa maynam qamtapis entëru Egipto runakunatapis mantsaypa qeshyawan ushakätsïmanna karqan.

entëru Egiptumanmi pesti qeshyata mandamushä. Tsaywanmi wanuyanqa caballukuna, ashnukuna, camëllukuna, wäkakuna, üshakuna y cabrakunapis. Egipto runakunapa ashmankuna qeshyawan wanuyaptinpis Israel runakunapa ashmankunaqa manam ni jukllayllapis wanuyanqatsu> >>.

Tsaymi waray junaq kaynö höra runtu tamyata tamyatsimushä. Tsay runtu tamyanöqa Egipto nación qallaykunqanpita hasta kananyaqpis manam imaypis kashqatsu. Kananqa ashmaykikunata wayi rurinman qaykatsiy. Wayi rurinchö mana llantukuqtaqa ashmatapis runatapis llapantam runtu tamya wanutsinqa> >>.

Tsay uchpataqa entëru Egiptupam polvutanö vientu apanqa. Tsaypitam chupu yurinqa Egipto runakunachö y ashmankunachöpis>>. TAYTA DIOS ninqannömi Moiséswan Aarón jornupita uchpata achkuyarqan. Faraón kaqman aywaykurmi uchpata Moisés junishpa jicharqan. Tsaymi runakunatapis ashmakunatapis chupu qeshya usharqan.