Popular Bible Verses from LUKAS 8

Share

Wualanna nanawo su leta'a masuwukka isassumandingnga su taumata madaringikka watti'a udde, see sinahipunna sulal᷊ummu naungnge apan baresi wuṛṛu matul᷊ida. I mangitou natataṛṛangnga na'oman sara nabua.”

Wualanna apan nanawo su tangngan ahuranganna ṛoaanna isassumandingnga su taumata madaringikka watti'a udde, arawe sussinggawangngu wiakki mangitou wuṛṛu maapulu mabbiakka nasuungnga wuṛṛu mal᷊uassa sulal᷊ummu runia indi. Sarangkanambone udde nangumpisanna si mangitou na'oman sara tawe nabua wua apan nal᷊aha.

Wualanna apan nanawo su leta'a pia batune isassumandingnga su taumata napawe naaringikka watti'a udde, nanengkamma ringannu naungnge mal᷊uassa. Arawe watti'a udde tawe naṛṛamutta sulal᷊ummu naungnge. I mangitou mangngimanna tal᷊ang kadio'a, wuṛṛu napawe wawono'a nirumanta, i mangitou nassinaada.

See Mawu Yesus nabbisara mallal᷊aṛṛenggen-Ne, “Anio i yamiu tawe mangngimanna si Ya'u?” I mangitou naherangnga wuṛṛu nata'utta. Wuṛṛu uahahattote i mangitou sangkatou ringannu waine, “Isai ṛinone taumata indi na'oman sara namarenta anginna wuṛṛu lua'a, wuṛṛu parenta-Ne tinuṛṛutanna!”

Wualanna apan nanawo su lal᷊anna isassumandingnga su manga taumata apan madaringikka wisara udde. Arawe Setanna nirumanta wuṛṛu nangaṛṛo watti'a udde wuassu naungngi mangitou, tadea'u i mangitou tawe mangngimanna wuṛṛu tawe masal᷊amatta.

Tawedu apa apan uawuni apan tawe asiloanna; wuṛṛu tawedu apa apan iaadappingnga apan tawe sarun massongkakka wuṛṛu asingkatanna.

Wawine udde naatutukka manungku inolaanne udde niasingkatante. Nariaddi i tou nirumanta ringannu mangngindo see inumal᷊intuda su saruannu Mawu Yesus. Ne i tou nabbatti'e su saruannu awada'alla, anio i tou nangindingnga Mawu Yesus, wuṛṛu manungku radangnge napia orassa udde lai. Mawu Yesus nabbisara si tou, “Ana'u, ana waugu i'o mangngimanna si Ya'u, i'o napia. Apul᷊ete ringannu sal᷊amatta.”

Mallal᷊aṛṛenggennu Mawu Yesus inaite ringan-Ne wuṛṛu namu'o si Tou. I mangitou nabbisara, “Iamangnga Huru, Iamangnga Huru, i ite masilakate!” Mawu Yesus napu'o see nandona anginna wuṛṛu lua'a apan mattandi'a udde. Anginna wuṛṛu lua'a udde nol᷊ote, see rano nabbal᷊ite mal᷊enakka atonna.