Popular Bible Verses from SASABANGNGA 7

Share

MAWU nabbisara si Musa, “I Ya'u sarun ma'ola'a si'o naal᷊ihidda Ruata su saruannu ratu, wuṛṛu tuṛṛangngu i Harun sarun massinaukka si tou maola'a nabinu.

Arawe i Ya'u sarun mapaattikku naungngu ratu. I tou sarun tawe maddaringikka si'o, salaiwe i Ya'u mapaarantan manambo silaka su Mesir. Ana waugu udde i Ya'u sarun makkuumannu Mesir ringannu manga ṛuumanna apan mawakkata, wua'udde Ta'u iapidda balahannu Israel sarangkanambone al᷊aṛṛana-U, sumabbangnga wuassu wanua udde.

Ne taumata Mesir sarun maasingkatta manungku indi MAWU, su tempo i Ya'u makkuumanni mangitou wuṛṛu mangapiddu Israel sumabangnga wuassu wanuan mangitou.”

Ana waugu udde ratu lai namaggo manga taumatane apan pia asingkanne wuṛṛu taṛṛa wal᷊iimata, ana see i mangitou lai na'ola'a aroddi ringannu apande mangitou. I mangitou nallombon ta'inni mangitou su leta'a wuṛṛu manga ta'inna udde nawal᷊u nabbal᷊i atoanna. Arawe ta'inni Harun nangalluppa ta'inni mangitou.

Ana waugu udde, MAWU nabbisara arendi, ‘Wuassu sarangkanambone apan Ta'u olaanna sal᷊immurine, i'o sarun maasingkatta manungku ete i Ya'u MAWU. Ringannu ta'inna indi ya'u sarun mamuulla ua'en sal᷊ukka, wuṛṛu ua'ene sarun mabbal᷊i daṛṛa.

“Amungkangngu ratu madorongnga siraddua ma'ola'a al᷊aṛṛindu'a apan maola'a tialane, doloṛṛa'e i Harun manganu ta'inne wuṛṛu lomboa'a su leta'a su saruannu ratu. Ta'inna udde sarun mawal᷊u mabbal᷊i atoanna.” Ne i Musa wuṛṛu i Harun inaite sinumaruanna ratu wuṛṛu itarua tinumuṛṛutte sarangkanambone apan buatte nirolokku Ruata. I Harun nallombon ta'inna su leta'a su saruannu ratu wuṛṛu manga mammamanarane, ana see ta'inna udde nawal᷊u nabbal᷊i atoanna.