Popular Bible Verses from O LUKAS 6

Share

Nia hidöaka o nyawa mahomoaika, hupaya ma Jou Madutuö winihidöaka nginika; ngini aha niatarima o ngongike de maboboloi yatugaka de yöduku-dukuku tingini. Hababu o duduga kiaka ngini niahitugaka o nyawa mahomoa, ma Jou Madutu aha wapäke winihi tuga ngini.”

O nyawa maoa ihihupu o hali ma oa-oa karana manga hiningaka ioma-omanga de o oa. O nyawa madorou ihihupu o hali madorou, karana manga hininga iomanga de o dorou. Hababu okia o uru ihidemo genangala o hiningaino ikopoa.”

Kokiani uha hokogënanga! Ilio yaino ngini kokiani niädora niahaturü deʼ nidiai o oa onangika. Kokiani ngini niahibau, deʼ uha nionganono yakunu ihigilio. Nako hoko gënanga niahewa aha ilamoko, deʼ ngini aha nidadi ma Jou Madutu woko Kurutil̄e ai ngoha-ngohaka. Hababu ma Jou Madutu aihininga yaoa o nyawa yanäko-näkouaika yotarima kasi, deʼ o nyawa madorouikaö.

Kokiani ngini de niadora de niahayanga, hokä nia Ama ö de Ai dora de Ai hayanga.”

”Uha nima dadi hokä o hakimi o nyawa mahomoaika, hupaya nginikaö ma Jou Madutu uha hoka o hakimi. Uha niahukumu o nyawa mahomoa, hupaya nginiö ma Jou Madutu uha winï hukumu. Nia hiapongo o nyawa mahomoa, hupaya ma Jou Madutuö winï apongo ngini.

”Mä nihihi gihe-gihene Ngohi o öraha nënanga, Ngohi tohidöaka nginika o behehongo nënanga: niädora niahaturü, deʼ nidiai o oa o nyawa inïdoha-dohatika. Niahibarakati o nyawa inï lololai, deʼ niahihubayanga o nyawa manga hininga i totorou nginika.

Niahidiai o nyawa mahomoa hokä ngini nio igo önanga yodiai nginika.

Nako o nyawa yapöka niagotoaka mahononga, mal̄aika önanga yapökali niagotoaka mahonongahi. Nako yaöra niajuba niabajuö niahidöaka. Nako o nyawa yogahoko okianaga nginika, niahidöaka gënanga onangika; deʼ nako tingini de yaöra, uha niogahoko ihigilioli.

”O gota mautu iboburere ihohokua o hohoko mado dorou. Kogenangoli o gota mautu i boburereua ihohokua o hohoko ma oa-oa.

O gota mautu yögetongo hanäko mahohokoka. O gota mahohihika ihohokua o ara, deʼ o momo mahohihika ihohokua o angguru.