Popular Bible Verses from O YOHANIS 15

Share

Ngohi o angguru maröehe, deʼ ngini majaga-jaga. O nyawa yotatapu yorimoi de Ngohi, deʼ Ngohi dede önanga aha yohohoko iwöe; hababu de kode Ngohiua, okia-kiaua ngini niakunu niadiai.

Nitatapu nirimoi dede Ngohi, deʼ Ngohiö aha totatapu torimoi dede ngini. Majaga mahirete yakunua ihohoko, kokiani nako ënanga itatapu maröehika. Hokogenangö ngini duga-duga yakunu nihohoko, nako nitatapu nirimoi dede Ngohi.

Nako ngini nitatapu nirimoi dede Ngohi deʼ Tongohi ahidodötoko igogere niahininga magoronaka, nigahoko o Amaika okiadika ngini niamau, niagogahoko gënanga aha ihi totomo.

Nginiua nihiiriki Ngohi. Ngohi tiniiriki ngini, deʼ Tinihuloko ngini nioiki mangale nihohoko iwöe – o hohoko-hohoko yakunua ibinaha. Ma Ama aha winihidöaka nginika okia dika ngini nigahoko Unangika de Tongohi ahiromanga.

O nyawa duru yahininga manga hoba-hobata gangala o nyawa ihidöaka manga wowango mangale önanga.

Moi-moi majaga Ngohioka ihohokua, yaoto yatobiki, deʼ moi-moi majaga ihohohoko yapoporo mahoka deʼ yatebini hupaya iholoi iwöeoli mahohoko.

Nënanga Tongohi ahipareta: nimateke hininga moi de moi, hokä imadäene de Ngohi tinihininga ngini.

Nako ngini nia hohoko iwöe, Ahi Ama iwihimulia; deʼ de hokogënanga ngini igou-goungu nidadi nihinöninïki Ngohi.

O Yesus wotemoli, ”Ngohi o angguru maröehe madutu, deʼ Ahi Ama naga o dumule madutu.

O nyawa yotatapua yorimoi dede Ngohi, aha yäumo hokä o jaga, daha idadi itoolenge. Jaga-jaga hokogënanga aha yatoomu deʼ yaumo o uku magoronaika, daha youku.

Mata-mata nënanga Ngohi tinihingahu nginika, hupaya Ahi mörene naga niahininga magoronaka, deʼ niamörene idadi iahumu.

Nako ngini nihidagi Ahi pareta-pareta, ngini tatapu nisetia Tongohi ahidoraika, hokä imatero Ngohi tatapu tosetia Tongohi ahi Ama Ai doraika hababu Tohi dagi Ai pareta-pareta.

Nenangala Ahi pareta nginika: Nima tekehininga moi de moika.”

Hokä nako ngini todunia, ngini aha inihininga o dunia hokä toënanga. Mä Ngohi tiniirikoka o duniaino nënanga, hoʼ ngini toduniaokaua. Hababu gënanga o dunia inidohata ngini.