Popular Bible Verses from O KISAH RASUL-RASUL 16

Share

O Paulus deʼ o Silas yohaluhu, ”Ningaku ma Jou Yesusika! Ngona aha nohalamati – ngona deʼ mata-mata o nyawa anitauoka!”

Doneho hutu gorona o Paulus deʼ o Silas mangagogiria imaniata de o puji-puji ihinyanyi ma Jou Madutuika. O nyawa mahomoa yatumu-tumungukuö magogiria ihigihene önanga yonyanyi. Itodokanino idadi o ohu duru kohagiria, hiädono o bui mapondasi gënangaö imahidigiwioka. Mata-mata o bui mangorana ikoki helenga de o rante-rante yahilaraika o nyawa yatumu-tumunguku mata-mata ö ikokihoheoka.

Ahao ünanga wäao önanga yohupu deʼ wotemo, ”Tua-tuanga, ngohi kiani todiai okia, hupaya ngohi tohalamati?”

O bui mabaluhu gënanga iwitodokana wohidomomikil̄e. Maöraha ünanga wamäke o bui mangora-ngorana ikoki helengaka, ünanga kawomadauru aioworo mangale womatoma aidiri, karana ünanga watobote o nyawa yätumu-tumunguku mata-mata yokoki oaroka. Mä o Paulus womapöaka wakua-kuatil̄e, ”Uha natoma anidiri! Ngomi kanagahi mata-mata nenangoka!”