Popular Bible Verses from MATIUS 24

Share

Kakanoa ko dal᷊ai sarung l᷊umente kere e katoghasi sarang maul᷊i taumata seng ta mukakindaghi. Arawe taumata ko mutatahang sarang panginsuenge, sarung i pakasal᷊amati.

Dang Habari Makal᷊uasi hal᷊i u kirapa Mawu Ruata mamarenta sarung i pakatitong su kaul᷊i u dunia, tadeau kaul᷊i u taumata makaringihi. Masue e'e mbuhue dunia mukiamati.”

I kumu sarung makaringihi tingihu kapul᷊al᷊utange l᷊au manga habaru parang, kateho ari kataku. Watu u kaul᷊i u hal᷊i e'e mambeng mariadi, kateho e'e wal᷊ingewe seng tempo ngu dunia mukiamati.

Bangsa simbau sarung muparang mundoka kawanua ko wal᷊inge, dang negara simbau sarung mangalo negara ko wal᷊inge, suapang tampa sarung pia kal᷊ahutung dingang u rinuhi. Kaul᷊i e'e mbuhue panitakengu singsara, musul᷊ung pundangu kal᷊iki su singkatau kowawine su tempo ngu mahinding.

L᷊angi dingang u dunia sarung mailang, arawe didato-Ku matatapi sarang panginsuenge.”

Watu u sarung maul᷊i taumata musumongo mumbawa areng-Ku l᷊au muhabaru ‘Ia Ratu Mananal᷊amati!’ I sire sarung mangakal᷊i taumata maul᷊i.

Bou e'e i kumu sarung isame l᷊au i sarakang tadeau ipahangeng l᷊au ipate. Kaul᷊iu dunia sarung mubinsi i kumu ual᷊ing i kumu tumatuhu si Sia. Su tempo e'e sarung maul᷊i taumata tumal᷊ikuri, l᷊au musingking dang mubinsi simbau dingang u ko wal᷊inge. Maul᷊i mahang nabi sarung l᷊umitou dang mangakal᷊i taumata maul᷊i.

I Yesus nusumimbahi, “Pakaingati, kumbahang sarang i kumu kaakal᷊eng.

Ual᷊ingu e'e i kumu l᷊ai mambeng panadia. Watu u Ahusu Taumata sarung sumongo su orasi ko ta nikatitonang i kumu.”

Inau, pakaingati, watu u i kumu wugha kangereng Mawu Ruata ngi kumu sarung sumongo.

“Takoae ko matitong kangereng l᷊ou dingang u orase, manga malaekati su sorga wugha, Ahusu u Mawu Ruata l᷊ai wugha, kitang I Yamang sisane matitong.

Watu u sarung l᷊umitou manga mahang mananal᷊amati l᷊au manga nabi palsu. I sire sarung mukoa kakanoa ko takoae sihinge dang hal᷊i ko makal᷊aherang guna ngu pangakal᷊i, boko botonge, umat u Mawu Ruata l᷊ai.

Boko Ahusu Taumata sarung sumongo, kakakoae musul᷊ung su tempo ngi Nuh horo. Su tempo tamai su horo u runu ko l᷊abo e'e, taumata kumang manginung, dingang mukawing. Kere'e turusi sarang nuratingu l᷊ou i Nuh nawi su kapal᷊i. Su tempo ngu runu e'e nahino si sire kaul᷊ie, mbuhue i sire natitong apang ko nariadi. Kere'e l᷊ai kakakoae boko Ahusu Taumata sarung sumongo.