Popular Bible Verses from MATIUS 13

Share

Dang sasuang ko nanawo su tana ko matawa musul᷊ungu manga taumata ko nundaringihi habari e'e dang nakahingang. I sire nuwua maul᷊i, pia ko mahasu, pia ko nungupul᷊o dang pia ko til᷊umpul᷊o susul᷊enge hasile.”

Sasuang ko nanawo su rindulu mal᷊ahoro musul᷊ungu manga taumata ko nundaringihi habari e'e, kateho ghumaghangu puwawiahi sire dang mo muwiahi marange, ual᷊ingu e'e habari bou Mawu Ruata, nahepesi su l᷊al᷊ungu naungi sire hakiu tanuwua.

Sasuang ko nanawo su ral᷊eng, musul᷊ungu manga taumata ko nakaringihi habari hal᷊i u kirapa Mawu Ruata mamarenta, kateho tanakahingang. I sie ko kadal᷊aikange nusumongo nangaho apang ko seng nisuang su l᷊al᷊ungu naung i sire.

Sasuang ko nanawo su tana ko mawatu, musul᷊ungu manga taumata ko nundaringihi habari e'e, dang turusi nanarima dingang u naung mal᷊uasi. Kitang habari e'e ko ta nuhamu su l᷊al᷊ungu naung i sire, hakiu ta nataeri mal᷊iwue. Kere'e i sire nakapundangu susa arako siksa ual᷊ingu habari e'e, i sire turusi nusunial᷊i.

“Boko Mawu Ruata mamarenta, kakakoae mang musul᷊ung u papinintu i'i: Pia kakakala mal᷊aambung su tana ko nikarea u singkatau, bou e'e sau niambunge su tana. Watu u l᷊iaghe, tau e'e natamai nuwal᷊u apang rarotonge, mbuhue nusul᷊e nul᷊uang tana e'e.”

Kitangu pia l᷊ai sasuang nanawo su tana ko matawa, bou e'e nuwua; pia ko mahasu, pia ko nungupul᷊o, dang pia l᷊ai ko tilumpul᷊o susul᷊enge.”

Balate tatuwonge hei dingang u gandung sarang tempo ngu manipo. Hindo ia muhabari su taumata ko manipo: Komol᷊i horo apang hei, wukisi, mbuhue tutung. Bou e'e gandunge komol᷊i reso su l᷊al᷊ungu tampae.’ ”