Popular Bible Verses from YOHANES 15

Share

Ia i'i pungu anggori, dang i kumu kaul᷊ie lelange. Taumata ko tatapi musimbau dingang-Ku dang Ia dingang e, sarung muwua maul᷊i; watu'u sul᷊ikuri u Ia, i kumu ta makakoa manga apa.

Katana e pakasimbau dingang-Ku dang Ia l᷊ai mang matatana simbau dingang i kumu. Lelange sisane ta makapuwua, sul᷊ikuri sie matatapi su punge'e. Kere'e l᷊ai i kumu kitang botonge muwua, boko tatapi masimbau dingang-Ku.

Boko i kumu tatapi masimbau dingang-Ku dang tatintiro-Ku matana sural᷊ung u naung i kumu, pundote si Yamang apang ko i kao i kumu; ndoue'e sarung daringihang.

Wal᷊inge i kumu namil᷊e si Sia, ko Ia namil᷊e si kumu, dang nundoi i kumu paral᷊eng tadeau puwua pakaul᷊i – apang wuange ko ta mawawinasa. Kute Yamang sarung mangonggo si kumu manga apang ko pundokang i kumu si Sie sural᷊ungu areng-Ku.

Taumata ko makindaghi u manga ghawenge e'e ko taumata munggil᷊e u puwawiahe si sire.

Apang lelange ko su Punge ko ta muwua, potokang-E, dang apang lelange ko pia wuange, gaghingang raunge dingang tal᷊uaheng-E, tadeau wuange manamba lebe maul᷊i.

Ko i'i parenta-Ku: pukakindaghi ko simbau dingang u ko wal᷊inge, musul᷊ung kere Ia kumindaghi i kumu.

Boko i kumu muwua maul᷊i, I Yamang-Ku ipakawantughi; dang dingang u kere'e i kumu tinga-tingari makoa tumatuhu-Ku.

I Yesus sau nangul᷊i, “Ia i'i pungu anggori ko kahingang, dang I Yamang-Ku mututal᷊ung sasuange.

Taumata ko ta matatapi masimbau dingang-Ku, sarung irume musul᷊ung u lelang, bou e'e mahango. Manga lelang ko kere'e sarung ikomol᷊i i hunu su l᷊al᷊ung u putung, buhue itutung.

Kaul᷊ie i'i Daku ihabari si kumu, tadeau ral᷊iaghi-Ku ene su l᷊al᷊ung u naung i kumu dang ral᷊iaghi kumu masuku.

Boko i kumu muparal᷊eng u apang parenta-Ku, i kumu tatapi satia su kakindaghi-Ku, musul᷊ung u Ia tatapi satia su kakindaghi Yamang watu'u muparal᷊eng apang parentang-E.

Ko i'i parenta-Ku si kumu: Pukakindaghiko singkatau dingang u ko wal᷊inge.”

Kiko i kumu koau dunia, dunia sarung kumindaghi kumu kere koae. Kateho Ia seng namil᷊e si kumu bou dunia i'i, inau i kumu l᷊ai seng wal᷊inge koau dunia. E'e sabapie i kumu i pubinsi u dunia.