Popular Bible Verses from ROMA 3

Share

Kěbị taumata e seng nẹ̌dosa ringangu maraun Mawu Ruata kụ makasal᷊amatẹ̌ si sire. Kẹ̌tạeng ual᷊ingu tatal᷊ěntụ u Mawu Ruata sẹ̌sane kụ nilaonggọ matagẹ̌, pẹ̌kakauhu taumata ringangu Mawu Ruata e saụ makoạ mapia; kakakoạ e ute: taumata e niapakal᷊iwirʼi Yesus Kristus.

u Mawu Ruata e mělẹ̌loahu taumata e mẹ̌sěngkapian Sie, kětạeng kereu taumata měmpạngimang si Yesus Kristus. Mawu Ruata e mẹ̌kẹ̌koạ ini waụgu kěbị taumata apam mạngimang si Yesus Kristus; u kawe tawẹ pinẹ̌tatěntangenge

Duata e nanarakang i Kristus Yesus tadeạu ual᷊ingken papatenʼE ute taumata e nipakal᷊iwirẹ̌ bọu pẹ̌sasal᷊a kereu i sire mangimang si Sie. Mawu Ruata e mẹ̌kẹ̌koạ kerene tadeạu mapatodẹu kaadilʼE. Watụ u tempo nal᷊iu, Mawu Ruata seng nẹ̌těngkasabarẹ̌ su kal᷊awọu manga rosan taumata, hakịu i Sie tawe něhukung i sire. Arawe orasẹ̌ ini i Sie kimanoạ e nẹ̌teghangu rosa pělahekangu kạadilʼE. Kakanoạ kerene mạnodẹu watangengʼE adilẹ̌; kụ apan taumata mạngimang si Yesus nilahẹʼE kere taumata kụ saụ nẹ̌sěngkapian Mawu Ruata.

Batụu tawẹu sarang sěngkatau makạkoạ mapia ringangu Mawu Ruata ual᷊ingu tau ene mẹ̌kẹ̌koạbe apang kụ kẹ̌kaěbakeng su ral᷊ungu toratẹ̌. Kaiso toratẹ̌ ene kětạeng mẹ̌lẹ̌lahẹ su taumata u taumata e kai warạdosa.

Kere mạbawohẹ su ral᷊ungu Winohẹ Susi, ”Tawẹu sarang sěngkatau maadilẹ̌, tawẹu sarang sěngkatau e lai matahuěnna ringangu tawẹu sarang sěngkatau reng mẹ̌suba Mawu Ruata. Kěbị taumata seng nẹ̌tẹ̌ngkarau wọu Mawu Ruata; kěbị e seng nailang. Tawẹu sarang sěngkatau mẹ̌kẹ̌koạ mapia mang tạ u sarang sěngkatau.

Batụu nimbụe kai kere ini: I sain nilahẹ saụ mẹ̌sěngkapia ringangu Ruata, bal᷊inewe ual᷊ingu i sie měkẹ̌koạ apang mạbawohẹ su ral᷊ungʼu toratu agaman Yahudi, kaiso ual᷊ingu i sie mạngimang si Yesus Kristus.

Tantu tala! Batụu nal᷊ahẹu Mawu Ruata e napenẹ u katěngadẹ̌, maniweng apan taumata e kakontiang. Su ral᷊ungu Winohẹ Susi mạbawohẹ, ”Tadeạu i kau matodẹbe adilẹ̌ su ral᷊ungu patikụ baweranu, ringangu makauntung kereu i kau ghẹ̌gutaěng.”