Popular Bible Verses from MARKUS 1

Share

Sěngkariọěllone reng marěndung-děndung, Mawu Yesus nẹ̌bangung kụ limintụ naněntangu wal᷊e. I Sie nakoạ sol᷊ong tampạ marěmasẹ̌ su l᷊ikudʼu soa, kụ nẹ̌kal᷊iomaneng sene.

AngkuěngʼE, ”Kararatun Mawu Ruata e seng masandigẹ̌. Kụ pěmpẹ̌tobate i kamene wọu kal᷊awọu rosang kamene, kụ pangimangke su Injilʼu Ruata!”

Sarạeng Mawu Yesus e nasěpụ bọu akẹ ene, i Sie nakasilo langị natope kụ Rohkẹ̌ u Ruata e natěntung kere manụ paluma kụ dimorọ si Sie. Bọu e kinaringihẹ̌ tingihʼu Mawu Ruata mělẹ̌hengetang, ”I Kau e kai Ahusẹ̌-Ku ikẹ̌kěndagẹ̌. I Kau e mětẹ̌tal᷊ahino su naung-Ku e.”

Iạ měnẹ̌nahani si kamene e kai ringangu akẹ arawe i Sie kụ sarung měnahani si kamene ringangu Rohkẹ̌ u Ruata.”

Mawu Yesus něhengetang si rẹ̌dua, ”Pěmpẹ̌tol᷊eko si Siạ. Iạ e sarung maněntiro si kamene měnomạ taumata.” Ene i rẹ̌dua měngkatewe naněntangu somạ i rẹ̌dua e mase timol᷊e su Mawu Yesus.

Taumata kụ apan dụdaringihẹ̌ e mangkewen dụdal᷊inaụ u pananěntironʼE. U i Sie naněntiro e kai piạ pěhěngkinge, wal᷊inewe kere manga mananěntiro agama e.