Popular Bible Verses from PĚNDARIADI 45

Share

Abe katakụ arau mẹ̌sasěsilʼu watangengu ual᷊ingu i kamene kawe sen nẹ̌bal᷊ụ u iạ. Tuhụ hinone kai Mawu Ruata sẹ̌sane něhaěng si siạ sol᷊ong ini piněngal᷊imona si kamene waugu ipěngambang taumata l᷊awọ.

Kụ hatede tumuhụ hinone wal᷊inewe i kamene nakakoạ sarang iạ e ene sini, kaiso kawe Mawu Ruata. I sie napakakoạ u iạ e sěngkatau piạ pangkate marangẹ tumatimbang u ratu su Misirẹ̌. Iạ e kai piněngumbalaěngu kawasa waugu kal᷊awọu ral᷊ohom bal᷊e ringangu kasěllahu Misirẹ̌ e.

Mawu Ruata sen nẹ̌bawa si siạ piněngal᷊imona si kamene mědeạu ipěngambang si kamene, maning kere makạdal᷊inaụ ini e, ringangu waugu mẹ̌padul᷊i tadeạu i kamene kạtatanạbe wiahẹ̌, baugu l᷊ai pal᷊ahiteng kamene.

Tangu angkuěng i Yusup si sire, ”Mahịe sol᷊ong ini.” I sire němpẹ̌haungke, kụ i sie saụewe nẹ̌bera, ”Iạ e kai i Yusup, nạung sen niwal᷊u i kamene su Misirẹ̌.

Ini e wuhụ e karua taunge wọu tempong karal᷊unusẹ̌, kụ karěngụewelaiʼm bědang lima taung taumata e ren tawe makapẹ̌baelẹ̌ dingangu makapěměnsạ.

I Yusup nẹ̌bera su manga tuhange, ”Iạ ini e kai i Yusup, kụ bědangbe wiahẹ̌ i amangku e?” Nakasilo ene manga tuhange mangkewen něngkatakụ hakịu i sire tawe nakasimbahẹ̌.