Popular Bible Verses from PĚNDARIADI 41

Share

Angkuěng i Yusup, ”Bal᷊inewe iạ Tuang, kaiso kawe Mawu Ruata e sarung makapitua mal᷊ahẹ.”

Tangú ratu e něhengetang si sire u, ”Tawe makareạ i kitẹ taumata wal᷊ine kụ nẹ̌tatal᷊ahino kere i Yusup batụu i sie kai tẹ̌takidangu Rohkẹ̌ Susi e.”

Tangú ratu e něhengetang si Yusup, ”Mawu Ruata sen naul᷊ị u kěbị ini e si kamene, kụ sen nal᷊ahẹ u i kau e něngalembong pelesa ringangu matahuěnna wọʼi sai-sai lai. I kau e sarung takụ ihengkẹ makoạ guběrnurẹ̌, kụ patikụewe kawanuaku e sarung dumaringihẹ̌ si kau. U kětạeweng iạ e limembong kawasa wọʼi kau e.”

Bọu e nẹ̌bera kapia, ”Mawu Ruata e sen nẹ̌gěllịu manga rariọ si siạ e sural᷊ungkeng kasasigěsạku e,” kụ bọu ene anạ e karuane nisěbạ e si ”Efraim”.

Angkuěng i Yusup, ”Mawu Ruata e napakawul᷊eng iạ e wọu kal᷊awọu sigěsạku ringangu waugu anạ u sěmbaụ i amangku e.” Ual᷊ingu ene tangu anạ e humotong nisěbạ e si ”Manasye”.