Popular Bible Verses from PĚNDARIADI 27

Share

Mal᷊owọko Mawu Ruata e mangonggọu namuhẹ̌ bọu l᷊angị e si kau, kụ mapakatawang manga sasuangu. Mal᷊owọko i Sie mangonggọu gandung dingangu anggorẹ̌ e mạhěmpal᷊iung kal᷊awọe! Karimạko kal᷊awọu umatẹ̌ e makoạ ěllangu, ringangu kal᷊awọu haghim bansa e měmpẹ̌tahamawu si kau. Mal᷊owọko i kau mẹ̌kawasa patikụ apang anạ u sěmbaụ u, ringangu hiten ninangu e mẹ̌tumpěkuhẹ̌ su těngonu. Mal᷊owọko piạ bontoge i saiʼm měmpạngane si kau ringangu al᷊amateng patikụ taumata kụ měngal᷊amatẹ̌ si kau.”

I Esau nẹ̌bera, ”Ini e seng karuan sul᷊ene i sie něngakal᷊ẹ̌ si siạ. Hinone wue i sie isẹ̌bạ si Yakub. I sie seng nangaho kal᷊aiakangku, kụ orasẹ̌ ini e i sie selain nangaho al᷊amatẹ̌ nạung baugu iạ. Kai sen tạ al᷊amatẹ̌ bal᷊ine si Amang e waugu iạ tangu?”

Bọu ene i Ishak nẹ̌bera si sie, ”Sarung tawẹ namuhu l᷊angị e si kau, dingangu sarung tawẹ dahami matatuwo si kau e. I kau sarung mẹ̌biahu pedanu, katewe kawe makoạ ěllangu tuarinu, kai kamageng i kau e něnggohaeng ute i kau sarung makapěllọ bọu kawasane.”

I Esau tawe mapulu mangědo mẹ̌dorong si amange, ”Unụe si Amang kai kětạeng sěmbaụ al᷊amatẹ̌ e tangu? Al᷊amateko l᷊ai iạ Amang!” Mase saụ kapia i sie simangị.