Popular Bible Verses from PĚNDARIADI 25

Share

MAWU e něhengetang si sie, ”Kai umatẹ̌ duang kawanuaěng su ral᷊ungu pal᷊ahuanakeng u; i kau e sarung měhěndingu ruang kawanuaěng kụ měmpẹ̌sẹ̌sitori; tuari e sarung limembong katoghase wọu i akang, mase i akang e mẹ̌tangkiang tuari.”

Angkuěnge si Yakub, ”Iạ e kai nahutung-hutung. Mẹ̌dorongko kadodọ gul᷊e tumbuẹ mahamụ ene.” (Kai ual᷊ingu ene hakịu i sie nisěbạ si Edom.)

Ual᷊ingu i Ribka e tawe nakaěbạ anạ e, i Ishakẹ̌ e nẹ̌kal᷊iomaneng su Mawu Ruata waugu kawinge. Kụ MAWU e rimaringihẹ̌ kakal᷊iomaneng i Ishak, kụ i Ribkạ e nẹ̌pohiama.

Angkuěng i Esau, ”Kai anuang apa kal᷊aiakang ene e si siạ. Ěndaung iạ e seng matẹeng kal᷊ahutung!” Angkuěngkeweng Yakub u, ”Pẹ̌salụ e kal᷊amona u hakẹ̌ u kal᷊aiakangu e sarung ionggọ si siạ.” I Esau nẹ̌salụ e kụ nangonggọu kal᷊aiakange si Yakub.

Su tempong anạ tuari e kinawantelẹ̌, l᷊imane e měngẹ̌ngumpaedẹ̌ pakelʼi Esau. Ual᷊ingu ene hakịu i sie nisěbạ si Yakub. I Ishak umbure ěnnungu pul᷊o su taunge piạ i rẹ̌dua e kinawantelẹ̌.

I Ishakẹ̌ e limembom makěndagẹ̌ si Esau, batụu i Ishakẹ̌ e puluang kuminạ gẹ̌sing binatang u anụ. Arawe i Ribka e limembong mapia si Yakub.