Popular Bible Verses from RAROLOHANG 4

Share

Kětạbeng su ral᷊ung i Yesus sěmatang, taumata e ipakasal᷊amatẹ̌ e. Batụ u su kaguwạu dunia su tal᷊oarang taumata e tawẹu sarang sěngkatau wal᷊ine makahombang kawasang Duata mapakasal᷊amatʼi kitẹ.”

Ene i sire nasuẹeng kal᷊iomanenge, tampạ pinẹ̌tampungang ene e kimiọe. Ene kěbị e nikanoakeng u Rohkẹ̌ u Ruata; kụ nanětạ e nawahani nahumbisarang hengetangu Mawu.

Tangu ini Mawu! Kakěllaiko kereapa i sire mạngindorẹ si kami. Kụ onggotengkon kawawahani si kami manga ěllangʼU ini e, tadeạu makapěhabaru hengetangu e tawẹ goẹ̌ e.

Seng Mawu Yesus ini e tẹ̌timonang u ayetẹ̌ su ral᷊ungu Winohẹ Susi, ’Batu kụ tawe nipakẹ i kamene manga mẹ̌kakoạ bal᷊e, kai nạung nakoạ batu pinẹ̌bukuang.’

Manga měnggaghuta e rụdal᷊inaụ u makasilo si Petrus dẹ̌duan Yohanes e tawẹ goẹ̌ e, kutẹu kawe lai i sire masingkạ u i rẹ̌dua e kai taumata tawẹ sikol᷊ane. Tangu i sire nakaěnnạ e u rarolohang darua ene ute kai nạung dingangu Mawu Yesus.

Patikụ taumata mạngimang e měbẹ̌biahẹ̌ sěngkanaung dingangu sěndal᷊engu tiněnna. Tawẹu sarang sěngkatau wọʼi sire mạngiral᷊ingu apang tẹ̌taghuanenge, ute ene kawe rarotonge hala. Kai patikụ sabarang kụ apang piạ si sire e, ute ene kai pakẹ i sire pẹ̌tambaěng.