Popular Bible Verses from MARKUS 15

Share

Dait jam telu kebian, Deside Isa bekuih keras-keras, “Eloi, Eloi, lama sabaktani?” artine, “Ya Allah Tiang, ya Allah Tiang, kembéq Deside menengang Tiang?”

Kepale pasukan saq nganjeng léq julu kayuq salib nike, serioq berembé Deside Isa ninggal. Kepale pasukan nike bebase, “Mule tetu dengan niki Bije saq asalne léman Allah!”

Kelambu saq begantung léq dalem Gedéng Allah soék jari due léman atas jangke ojok bawaq.

Beterus Deside Isa bekuih keras-keras, dait nyerahang nyawe-Ne.

Jam due olas, sengonéq telu jam selapuq wilayah negeri nike jari peteng.

Pilatus mélé nyenengang angen dengan luwéq nike, make ie bébasang Barabas umaq ie pade. Beterus ie préntahang dengan pecut Deside Isa, terus serahang-Ne jari tepakuq léq kayuq salib.