Popular Bible Verses from MATIUS 24

Share

Kejahatan gen jari sayan luwéq jangke luwéq dengan engkah ngasihin Allah dait sepade manusie. Laguq dengan saq tahen jangke penutuqne, gen teselametang.

Dait Kabar Solah mengenai Kerajaan Allah gen tekabarang ojok seantéro dunie, adéq selapuq dengan dengah hal nike. Sesampun nike baruq kiamat nike dateng.”

Side pade gen dengah suare-suare perang dait berite-berite mengenai perang, laguq ndaq takut. Séngaq hal-hal nike harus telaksane, laguq hal nike ndéq berarti bahwe sampun wayene kiamat.

Bangse saq sopoq gen perang ngelawan bangse saq lain, dait negare saq sopoq gen nyerbu negare saq lain. Léq mbé-mbé gen araq bahle kelapahan dait lindur. Selapuqne nike baruq awal penderitean sendéqman dateng jaman saq baru.

Langit dait gumi gen musnah, laguq manik Tiang gen kekel selaéq-laéqne.”

Séngaq luwéq dengan gen dateng kadu aran Tiang dait bebase, ‘Tiang niki Almasih!’ Ie pade gen miaq luwéq dengan jari sesat.

Beterus side pade gen tebau dait teserahang jari tesiksaq dait tematéq. Seantéro dunie gen meriq léq side pade séngaq side pade jari pengiring Tiang. Léq waktu nike, luwéq dengan gen murtat, saling hianat dait saling meriqang sopoq kance saq lain. Luwéq gen dateng nabi-nabi palsu dait ie pade gen miaq dengan luwéq jari sesat.

Jawab Deside Isa, “Pade waspade, ndaq side pade jangke tetipu.

Keranaq nike, side pade éndah harus tetep siep sedie. Séngaq Bije Manusie gen rauh léq waktu saq side pade ndéq badéq.”

Jari, pade siep sedie, séngaq side pade ndéq nenaoq piran Tuhande rauh.

“Ndéq araq saq nenaoq piran jelone dait jamne, malaékat-malaékat léq sorge nénten wikan, Bije saq asalne léman Allah éndah nénten wikan, cume Bapa doang saq wikan.

Séngaq almasih-almasih palsu dait nabi-nabi palsu gen dateng. Ie pade gen miaq tande-tande saq luar biase dait macem-macem muqjizat jari nipu, lamun bau dengan-dengan saq sampun tepiléq siq Allah éndah.

Lamun Bije Manusie rauh éraq, keadaanne pade maraq jaman Nuh laéq. Léq jelo-jelo sendéqman belabur beléq nike, dengan-dengan bekelor, nginem dait merariq. Tetep maraq nike jangke waktune Nuh tame ojok dalem kapalne. Sewaktu ie pade selapuq tetimpe siq belabur nike, baruq ie pade sadar napi saq kenyeke ie pade alamin. Maraq nike éndah keadaanne éraq lamun Bije Manusie nike rauh.