Popular Bible Verses from LUKAS 17

Share

Beterus Deside Isa bemanik léq dengan nike, “Silaq ures, terus side lumbar, lantaran side percaye make side jari selah.”

Lamun ie bedose léq side pituq kali sejelo, dait sebilang ie dateng ojok side dait bebase, ‘Tiang nyesel,’ ampunin ie.”

Waktu salaq sopoq léq antare dengan-dengan nike sadar bahwe ie sampun selah, ie tulak sambil mulieang Allah siq suare saq beléq. Terus léq arepan Deside Isa, ie sujut dait matur tampi asih. Dengan nike léman Samaria.

Keranaq nike pade waspade! Lamun semetonde bedose, peringet ie. Lamun ie nyesel, ampunin ie.

Deside Isa bemanik, “Tekan araq sepulu dengan teselahang? Mbé saq siwaq dengan malik?

Jawab Junjungan Saq Mulie, “Lamun side bedowé iman timaqne maraq beléq tolang sawi, side pade bau muni léq lolo are niki, ‘Kerembotan terus nancep léq segare,’ pasti lolo nike gen turut préntahde.”

Dengan saq berusahe nyelametang nyawene gen kélangan nyawene. Dait dengan saq kélangan nyawene lantaran Tiang, dengan nike gen nyelametang nyawene mésaq.

Deside Isa bemanik léq pengiring-pengiring-Ne, “Hal-hal saq jari penyebap dengan gawéq dose pasti gen araq. Laguq celake gati dengan saq jari penyebapne! Solahan lamun batu penggilingan tetaliq léq belongne terus ie tesaut ojok dalem segare ketimbang lantaran ie salaq sopoq léman dengan saq kodéq niki gawéq dose.

Pade maraq saq telaksane léq jaman Nuh, maraq nike éndah halne éraq waktu Bije Manusie rauh. Dengan-dengan pade bekelor dait nginem serte merariq; maraq nike seterusne jangke dateng waktune Nuh tame ojok dalem kapal terus dateng belabur nimpe ie pade jangke selapuq dengan binase.