Popular Bible Verses from Markus 14

Share

Dadi Unanga 'o kanau, “ 'Ari Ḇaḇa! 'Ori i'a rimoi ua, 'i osama 'akala ua ra Ḇaḇa. Na silalo'o sangisara nena-ne ra Ngoi. Mada'a mete'e Ngoi 'ari mau awa, mete'e Ḇaḇa 'ani mau ḇato.”

Yesus 'o kanau ra ananga, “Ni ma'istiari re ni manyiata, la awa ngini ni sanga bo-baja. Mode-mode'e ninga roh mau 'a'a 'ori i'a ma banari; mada'a ngini ni nga'unu ua sababu ngini pai'i manusia ḇato dadi ni lamahana.”

Ni ngaku mode-mode'e Ngoi 'ari demo nena-ne: Toma ngi'i le'a ḇato ngowa-ngowa'a 'aḏi singadolo Habari Roanga, we-were'a nena-ne 'ami ga'a ma la-la, ngowa'a ḏuanga i'a ya sijarita ḏi'i, la sidaioranga munanga awa.”

Yesus 'o kanau i'a ra ananga, “ 'Ari 'akala re sinyingara 'i kangela masala singadolo Ta basono sa'i To sengene. Tegoro 'ane-ne re ni ma'istiari!”

Wakutu ananga 'aḏi oro-oromo Yesus 'o 'oro roti re 'O sibere ie murasa ma la ra Ma Jou'ongu Madutu, kara Unanga 'a poti-poti ma roti gena-ge re 'O pula'a Tai me-mete'e re 'O kanau, “ 'Oro re na oromo, nena-ne Ngoi 'ari lese.”

Gena ḏua, Unanga 'o 'oro sawo'o ma dara 'anggur re 'O sibere ie murasa ma la ra Ma Jou'ongu Madutu re 'A sipula'a Tai me-mete'e, kara ananga mo-moini ya ka'e. Yesus 'o kanau, “Nena-ne, Ngoi 'ari ngaunu ga'a sitotomo Ma Jou'ongu Madutu 'ai jaji. 'Ari ngaunu nena-ne 'i pa'ala di'a singi-ngiranga ngowa'a repe manga ḏosa.

Ḏua Yesus 'o kanau ra ananga, “Ngini mo-moini ḏuanga i'a ni wiḏi re ni sisoi'i tala Ngoi sababu toma Boku 'Ofi-'Ofi ma dara Ma Jou'ongu Madutu 'o kanau so'o ne: ‘Ngoi ḏuanga i'a Tu sisengene 'Ari sowohi, re 'Ai doba-doba 'i matai are.’

Momi'i, ino ngene wo tagi. Oḏi'i! Unanga ga'a 'o sipula'a Ngoi toma ngowa'a baraḏosa re unanga gino!”

Yesus 'o kanau, “No ngaku mode-mode'e 'Ari demo-demo nena-ne: Toma utu nange-ne ḏua, namo 'i solene soi ḏiḏi nyangu, ngana masiretene no soloto Ngoi soi ro'ange ḏua.”