Popular Bible Verses from Mrk 9

Share

Yesu aku ku yene: Loko kuli kuswikota; hinkwaswu swakoteka ku lweyi apfumelaka.

A tatana wa ndrisanyana ahatla abandlukana aku: Napfumela, kambe niyengeteleli kupfumela kwanga!

Kuti loko Yene atlheleli ndlwini, a vadondrisiwa vakwe vamuvutisa na vali vuswavu vaku: Hine hihluleki ha yini kuwuhumexa? A vayangula aku: A lixaka ledri adrina kuhuma loko kunge hi kukhongota (ni kutitrona).

A munyu i ntxhumu lowu wunene, kambe loko wone wupswhama, xana wutanandrikisa ha yini ke? Djulani, mun'wana-ni-mun'wana akulunga a vutomi byake, n'wihanya hi kurula hinkwenu van'we ni van'wana.

Lweyi ayamukelaka mun'we wa vatrongwana vanga hi lava hi vito dranga awaniyamukela, na kone lweyi aniyamukelaka angayamukeli mine, kambe ayamukela lweyi anirumiki.

Hikusa lweyi ataka n'winwisa a ntrheko wa mati hi vito dranga hi leswi n'winga vaka Kriste, nihlayelamfuri nan'wibyela nili, angaka angalahlekeliwi hi hakelo drakwe.

Yesu aku: Lweyi atakayisa kudoheni mun'we wa lava vatrongo lava vapfumelaka ku mine, swingava swahombe ku yene loko atrimbeleliwa ribye dra kusila anhan'wini, atxukumetiwa likhulwini.

Ni loko a tihlu draku drikudohisa drisuse. I swahombe unhingena a Mfun'wini wa Xikwembu Nkulukumba na una tihlu drin'we ntsena, kutlula loko una mahlu mabiri utxukumetiwa kheleni