Popular Bible Verses from Mt 19

Share

Kambe Yesu avalavisa aku ku vone: Leswo ku vhanu aswikoteki, kambe ku Xikwembu Nkulukumba hinkwaswu swakoteka.

Xileswo avehe vabiri, kambe i nyama yin'we ntsena. Hileswo-ke leswi Xikwembu Nkulukumba angaswitlhanganisa, a mhunu angatxhuki aswitravukanyisa.

Yene avayangula aku: An'wingihlaya a Matralweni leswaku akusunguleni a Mutumbuluxi avayentxi wanuna ni wansati? Kutani aku: Hikola ka leswo a wanuna atasiya a tatana wakwe ni mamana wakwe akuva ayanamarela nsati wakwe, hi vubiri byavu vatava nyama yin'we.

Kambe Yesu aku ku vone: Trikani vatrongwana vata ku mine. N'wingavasiveleni hikusa a Mfumu wa Matilo i wa lava vanga ha vone.

Kambe lava vanyingi va kuranga, vatava va vugamu; ni lava va vugamu, vatava va kuranga.

Mun'wana-ni-mun'wana lweyi atrikiki tiyindlu, vamakwavu va xinuna ni va xisati, ni tatana wakwe kumbe mamana wakwe, kumbe nsati ni vana, kumbe masimu hinkonta yanga, atayamukela hi ka dzana (100) ni kuhindra, ava ada pfindla dra vutomi lebyi byingahelikiki.

Yesu aku ku yene: Loko udjula kuva lweyi ahetisekiki, famba, uyaxavisa hinkwaswu leswi unganaswu, unyika mali a swisiwana. Xiswoswo utavani nhlengwe a Matilweni. Ntrhaku tana unilandra.

Amuyangula aku ku yene: Hayini univutisa hi leswi swinga swinene? Lweyi Munene i mun'we ntsena! Loko udjula a kunhingena avutomini, bekisa milawu.

Nan'wibyela na kone leswaku swanabyala akuva a kamela drinhingena hi moya wa ximari, kutlula loko a mufuyi anhingena a Mfun'wini wa Xikwembu Nkulukumba.

Kambe nan'wibyela leswaku: Loko wanuna ahlongolaka a nsati wakwe, na kungavanga na mhaka ya vuwoswi, atekana ni mun'wana ayentxa a vumbuye.

Kutani Yesu aku ku vadondrisiwa vakwe: Nihlayelamfuri nili ku n'wine: Swinonon'hwa ngopfu ku mufuyi a kunhingena a Mfun'wini wa Matilo.