Popular Bible Verses from Popera ga Rómawa yexmagüxü̃ ga yaxõgüxü̃tanüwa namuxü̃ ga Pauru 6

Share

Rü natanü i ngẽma pecadu tüxna ãxü̃, rü yu nixĩ. Natürü ngẽma ãmare ya Tupana tüxna ãxü̃ rü maxü̃ i taguma guxü̃ nixĩ i ngẽxguma tórü Cori ya Ngechuchuaxü̃́ yaxõgügu.

Rü ñu̱xma rü marü tama pecadutüü̃wa pengẽxmagü nax pemaxã inacuáxü̃ca̱x. Rü yexguma yema mugü ga Moiché ümatüxü̃we perüxĩxgu, rü pemaxã inacua̱x ga pecadu. Natürü i ñu̱xma rü Tupana pemaxã namecüma, rü nüma nixĩ i pemaxã inacuáxü̃ i ñu̱xmax.

Rü yexguma íibaiü̃gu, rü Cristu yuxü̃rüxü̃ yexma nayu ga tacüma ga nũxcümaü̃xü̃, rü Cristu itáxü̃rüxü̃ inata̱x ga yema tacüma ga nũxcümaü̃xü̃. Rü yemaacü naxüpetü nax wena imaxẽxü̃ca̱x rü tüxü̃́ nangẽxmaxü̃ca̱x i maxü̃ i ngexwaca̱xü̃xü̃, yexgumarüxü̃ ga Ngechuchu nax yuwa írüdaxü̃ rü wena namaxü̃xü̃ ga yexguma Nanatü ga Tupana norü poramaxã ínadaxẽẽgu.

Rü tama name i pecaduna penaxãgü i pexene nax ngẽmamaxã chixexü̃ pexügüxü̃ca̱x. Rü name nixĩ i Tupanana pegü pexãgü, erü ñoma duü̃xü̃gü i yuexü̃ rü wena maxẽxü̃rüxü̃ pixĩgü. Rü ngẽmaca̱x name nixĩ i Tupanana penaxãgü i pexene nax ngẽmamaxã nape̱xewa mexü̃ pexügüxü̃ca̱x.

Rü nüxü̃ tacua̱x rü yema tórü maxü̃ ga nũxcümaü̃xü̃ rü Cristumaxã wüxigu curuchagu nayu nax yexma yanaxoxü̃ca̱x ga yema tacüma ga chixexü̃. Rü ñu̱xma rü tama pecadutüü̃wa tangexmagü, rü ngẽmaca̱x marü tama naga taxĩnüe.

Rü ngẽxgumarüxü̃ ta i pema rü name nixĩ i pegügu perüxĩnüe nax marü pecaducha̱xwa peyuexü̃ rü Tupanaca̱x pemaxẽxü̃, erü Ngechuchu ya Cristuarü duü̃xü̃gü pixĩgü.

Rü ñu̱xma nax Tupanaaxü̃́ ingechaü̃tümüxü̃güxü̃, ¿rü ñuxãcü tá imaxẽxü̃ i ñu̱xmax? ¿Rü pexca̱x rü namexü̃ nax pecadu ixügüechaxü̃ nax yexeraãcü Tupanaaxü̃́ ingechaü̃tümüxü̃güxü̃ca̱x? Rü dücax, tama ngẽmaãcü nixĩ. Erü ñu̱xma pecaducha̱xwa rü ñoma iyuexü̃rüxü̃ tixĩgü, erü marü tama naga taxĩnüe. Rü ngẽmaca̱x tama name i yeü̃cürü pecadu taxügüecha.

Rü pema rü meama nüxü̃ pecua̱x rü ngẽxguma wüxi i corime̱xẽwa pegü pengẽxmagüxẽẽgu nax naga pexĩnüexü̃ca̱x rü pema rü norü mugüruxü̃ tá pixĩgü i ngẽma cori i naga pexĩnüexü̃. Rü ngẽxgumarüxü̃ ta nixĩ ega naga pexĩnüegu i ngẽma pecadu i yuwa pexü̃ gagüxü̃ rüe̱xna naga pexĩnüegu ya Tupana nax nape̱xewa pimexü̃ca̱x.

Natürü Tupanana moxẽ chaxã, yerü woo pecaduga nax pexĩnüexü̃ ga noxri, natürü i ñu̱xma rü aixcüma naga pexĩnüe i ngẽma ngu̱xẽẽtae i marü pexü̃ tangúexẽẽxü̃ i Cristuchiga. Rü ñu̱xma rü pecaduna pexü̃ ínanguxü̃xẽxẽ ya Tupana nax norü puracütanüxü̃ pixĩgüxü̃ca̱x rü nape̱xewa pimexü̃ca̱x