Popular Bible Verses from Ore i mexü̃ ga Luca ümatüxü̃ 22

Share

Rü ñanagürü: —Pa Chaunatüx, ngẽxguma cuma cunaxwa̱xegu, ¡rü nawa choxü̃ ínanguxuchixẽxẽ i ñaa ngúxü̃ i tá chingexü̃! Natürü chanaxwa̱xe i curü ngúchaü̃ cuxü rü tama i choxrü —ñanagürü.

Natürü choma rü Chaunatüxü̃ cuxca̱x chaca̱a̱xü̃ nax tama nüxü̃ curüxoxü̃ca̱x nax cuyaxõxü̃. Rü ngẽmaca̱x i cumax, Pa Pedru, rü ngẽxguma cha̱u̱xca̱x cutaegu̱xgu, rü chanaxwa̱xe i nüxü̃ curüngü̃xẽxẽ i cumücügü nax tama nüxü̃ naxoexü̃ca̱x nax yaxõgüãxü̃ —ñanagürü.

Rü nanayaxu ta ga paũ, rü Tupanana moxẽ naxca̱x naxã. Rü ñu̱xũchi inanabücu, rü norü ngúexü̃güna nanaxã. Rü ñanagürü nüxü̃: —Ñaa paũ rü chaxune i pexca̱x yuxü̃chiga nixĩ. ¡Rü ñaawena rü ñaãcü tá penaxü nax choxna pecua̱xãchiexü̃ca̱x! —ñanagürü.

Rü marü chibüwena rü nanayaxu ga copu ga bínumaxã ããcuxü̃, rü ñanagürü: —Daa bínu rü Tupanaarü uneta i ngexwacaxü̃xü̃arü cua̱xruxü̃ nixĩ. Rü chaugü ya pexca̱x ibacüwa Tupana pexü̃ nüxü̃ nadauxẽxẽ nax aixcüma yixĩxü̃ i ngẽma norü uneta.

Rü yema nax poraãcü nanaxĩ̱xãchiãẽxü̃ ga Ngechuchu, rü yemaca̱x yexeraãcü nayumüxẽ, rü nanaxaiyaãchi. Rü ñoma nagü waixü̃müanewa ichuruxü̃rüxü̃ nixĩ ga norü aiyacü.

¡Natürü pemax rü taxũtáma ngẽxgumarüxü̃ pixĩgü! Rü ngẽxguma texé naxwa̱xegu nax guxãarü yexera tixĩxü̃ i petanüwa, rü name nixĩ nax guxü̃ma i tümamücügüga taxĩnü. Rü texé naxwa̱xegu nax tümamücügüeru tixĩxü̃, rü name i guxãarü ngü̃xẽẽruxü̃ tixĩ.

Natürü Ngechuchu rü ñanagürü nüxü̃: —Pa Pedrux, cumaxã nüxü̃ chixu rü ñomatama i chütaxü̃gu naxü̃pa nax ota ica̱xaxü̃, rü cuma rü tomaepü̱xcüna tá nüxü̃ quixu nax tama choxü̃ cucuáxü̃ —ñanagürü.