Popular Bible Verses from Norü taxre ga popera ga Timutéuca̱x naxümatüxü̃ ga Pauru 2

Share

¡Rü mea naxü i Tupanaarü puracü nax cumaxã nataãẽxü̃ca̱x i ngẽxguma nape̱xewa cunguxgux rü ngẽmaãcü taxuca̱xma cuxãnexü̃ca̱x i ngẽxguma nüma cuxna nacaxgu naxca̱x i curü puracü! Rü ngẽmaca̱x name i aixcüma mea namaxã cungúexẽẽtae i ngẽma ore i mexü̃ i aixcüma ixĩxü̃.

¡Nüxü̃ rüxo i guxü̃ma i ngẽma chixexü̃ i ngextü̱xücügü nagu rüxĩnüexü̃! ¡Rü mea Tupanape̱xewa namaxü̃ rü nüxü̃́ yaxõ! ¡Rü duü̃xü̃güxü̃ nangechaü̃ rü taxṹ i namaxã cunuxü̃! ¡Rü Tupanape̱xewa mea namaxü̃ wüxigu namaxã i guxü̃ma i ngẽma yaxõgüxü̃ i aixcüma Cori ya Tupanape̱xewa imexü̃ rü mexü̃ i norü ĩnümaxã yumüxẽgüxü̃!

Rü wüxi i Tupanaarü puracütanüxü̃ rü tama name nax texémaxã nuca̱x nadauxü̃. Rü name nax guxãmaãma namecümaxü̃ rü ínamemarexü̃ nax yáxna namaxã naxĩnüãcüma duü̃xü̃güxü̃ nangúexẽxẽ i Tupanaarü ore.

Natürü woo muẽ̱xpü̱xcüna yixema tama aixcüma yanguxẽẽgu i ngẽma Tupanamaxã ixunetaxü̃, natürü nüma ya Tupana rü guxü̃guma nayanguxẽxẽ i ngẽma tamaxã inaxunetaxü̃, erü taxuacüma nügütama nawomüxẽxẽ.

Rü wüxi i Tupanaarü puracütanüxü̃ rü name nax yáxna namaxã naxĩnüãcüma mea nayaxucu̱xẽgüãxü̃ i ngẽma duü̃xü̃gü i tama irüxĩnüechaü̃xü̃. Rü name i ínanangu̱xẽxẽ nax Tupana nüxü̃ rüngü̃xẽẽgüxü̃ i ngẽma duü̃xü̃gü nax naxca̱x nawoeguxü̃ca̱x rü nüxü̃ nacua̱xãchitanüxü̃ca̱x i ngẽma ore i aixcüma ixĩxü̃.

¡Rü nüxü̃ rüxo i ñoma i naanecüã̱xarü dexagü i taxuwama mexü̃! Erü ngẽma duü̃xü̃gü i ngẽma dexagügu ĩxü̃, rü guxü̃guma yexeraãcü chixexü̃gu nayi.