Popular Bible Verses from Marko 13

Share

Na vandu vosi va la mu dunyira kigira lieta lyange: navutswa u li dinya ku kuduka ku kiheri a la honnywa.

Mu gelihe, mu linde, mu saale, kigira si mu manya inyinga mba.

Lwa va mu hila mu kyina nokumuzama, mu ta henda myoyo imbiri ku livola lyenyu: navutswa amakuva ga mu li hebwa inyinga yiyi mu vole; kigira si mu li mwinye mu vola, navutswa ni Roho Mtakatifu.

Ligulu nelirova li la vita, navutswa amakuva gange si ga la vita mba.

Navutswa lidiku yilyo nenyinga yeyo mundu si a manya mba, kali tsingelosi vomigulu, kinga Mwana, navutswa Dada weng'ine.

Kandi lwa mu li hulira mahe nolusuma lwamahe mu ta henda myoyo mba: vindu yivi vi la niga kukolwa; navutswa kiheri ki kikiri kuduka.

Kigira yaga mu linde: kigira si mu manya inyinga yomwami wenyumba a li duka, ni i va mgolova, kinga mu budiku hagati, kinga inyinga idaywa i lagula, kinga mugamba tsuli; gase a la duka bwangu na a mu nyole, ni mu gona tsindolo. Kandi aga mu volera, mbolera vosi, Lindi.

Ihiri nehiri va la vukerana, nobwami nobwami bu la vukerana, kandi mu vivala vinyingi lirova li la degera; tsitodzo tsi la va mu lirova: vindu yivi vi veye litanga lyokukupa kivi.

Litanga ivangeli i lilwadzwa mu tsihiri tsyosi.

Kigira vanyingi va ladza mu lieta lyange ni va vola, Inze niye; kandi va la gotidza vanyingi.

Mu gelihe avene, kigira va la mu zama mu hilwe mu kyina; va la mu duya mu masomero; mu la singira imbiri wa vanyampara na vami kigira inze, mu ve kilolekidzu kuvo.

kigira vakristo vabehi va la twula, navaprofeti vabehi, va la leta vyokulolekidza nevyokugennya, va duke va gotidze avatovole, ni ga nyalika.

Navutswa mu madiku yago inyima yekivi yikyo, liuva li la kingwa, nomweli gu la sula kwaaka, netsing'ereng'ani tsyegulu tsi laguluka, netsingulu tsyegulu tsi la degeridzwa.