Popular Bible Verses from Luka 9

Share

Kandi ya volera vosi, Uyu wenyanga kunonda, yigaye, a ginge musalaba gwigwe kazozo, a nonde.

Kigira ku vosi wenyanga kuhonnya liva mwoyo lilye a la li gotidza; navutswa ku vosi u gotidza liva mwoyo lilye kigira inze, a la li honnya.

Navutswa Yesu ya mu volera, Si ha li nomundu u vika mukono ku ligembe, na a henza inyima, a dukana nobwami bwa Nyasaye.

Kigira mundu a la nyola ubulahi ki, na a nyola lirova lyosi, navutswa yedividza kinga yegotidza?

Kigira ku vosi u li mbera tsisoni na makuva gange, naye Mwana wa Adamu a la mu vera tsisoni lwa a lidza mu bukumi bwibwe mwene, nobwa Dada wewe, nobwe tsingelosi avatakatifu.

Yesu ya mu volera, Vinywere vi veye nemianka, namanyonyi gegulu ga veye netsinyumba; navutswa Mwana wa Adamu si a veye na ha a vika mutwe gwigwe.

na a va volera, Ku vosi u li bugirira mwana mukekeke uyu kigira lieta lyange, a bugirira inze; kandi ku vosi u li bugirira inze, a bugirira wa ntuma: kigira u veye mukekeke ku mwinye vosi, uyu niye munene.