Popular Bible Verses from Luka 13

Share

Mu dinye kwingira mu kiliango kinye rere: kigira inze mmu volera, Vanyingi va lenya kwingira navutswa si va li nyala mba.

Henza, mukali mulala ya li ho wa li na roho gwelidekerana imihiga likumi na gyitanu na gyivaka; naye yilinga, si ya nyala kudiguluka kali hakuzu. Yesu lwa ya mu lola, ya mu langa, na a mu volera, Mukali, u bohololwi kutwula mu budekeranu bubwo.

Kandi ya vika makono gege kuye, na nonoho ya digululwa, ni yidzominya Nyasaye.

Kandi henza, va ve yo avandu venyima va la ka ve vembiri, kandi avembiri va la va venyima.

Mwene inyumba lwa a singira kuhana kiliango, mwi nye mu tanga kusingira kyova nokwigulihidza, nokuvola, Mwami u kwigulire. Naye a la tivula na a mu volera, Si mmu manya wa mu twula.

Inze mmu volera, Si ga li ndiyo: navutswa ni mu teganira, mwinye vosi mu la kudza ndiyo.

Naye a la vola, Mmu volera, si mmu manya wa mu twula; mu twule hano, mwinye, ava kola ubudamano.

Kunangwa ya vola, Ubwami bwa Nyasaye bu fwanana naki? Kandi nda bu fwanannya naki? Bu fwanana nolugutsa lwelisatsi lwomundu ya vugula na a taga mu mulimi gwigwe; lwa viruka ni lu gwa musala; kandi amanyonyi gegulu ga menya ku tsisya tsyago.