Popular Bible Verses from Kutwula 3

Share

Na Nyasaye ya volera Musa, INZE MBEYE U VEYE HO: na ya vola, U la volera avana va Israeli inkuva yiyi, INZE MBEYE HO u ntumi ku mwinye.

Naye ya vola, Ligali nda va halala na ive; na yili li la va lilolekidza ku ive, nku tumi: lwa u li mala kutwulidza avandu mu Egepeti mu la tumekira Nyasaye mu kigulu yiki.

Naye ya vola, U tesunda hano mba: navula vilatu vivyo mu virenge vivyo, kigira ha u singiranga ha veye hatakatifu.

Na Yahova ya vola, Ligali ndoli ubusaliri bwa avandu vange, ava veye mu Egepeti, na mbuliye lilira lyavo kigira ava va singiriranga; kigira mmanya buvereri bwavo; na inze nziiki mba honnye ku makono ga Vaegepeti, nokuvatwulidza mu kivala yikyo, va tsie mu kivala kilahi na kinene, kivala ki gangalukanga amaveere na bwuki; ha veye ha Avakanani, na Avahiti, na Avaamori, na Avaperizi, na Avahivi, na Avajebusi.

Na ingelosi wa Yahova ya loleka kuye mu lumemo lwomuliru, lwa li hagati ha kasala: naye ya lola, na henza, kasala kaaduka muliru, na kasala ka vula kuhya.

Kalunu, hamba na nda ku tuma u tsie ku Farao, u duke kutwulidza avandu vange avana va Israeli, va twule mu Egepeti.