Popular Bible Verses from LUKAS 8

Share

Benia diau tumban di tana diau iluak ibarat jemau diau ndengagh ceritau itu, mangku dimasuakkanyau dalam atiau diau iluak. Diautu buasil karnau ta'an uji.”

Benia diau tumban di pugan ghumput bedughi ibarat jemau diau ndengagh kici'an itu. Anyautu diau ghegak ngan idupau, endak idup lemak ngan riang ajau di deniau ini. Mangku kici'an Allah nidau pacak mendam di atiau, mangku nidau ngasilka bua diau iluak.

Benia diau tumban di tana bebatu-batu itu ibarat jemau diau ndengagh kici'antu, nerimaunyau ngan riang, anyautu ceritautu nidau mendam di atiau. Ughangtu percayau jerang ajau, mangku amun diuji, diau ngelipat agi.

Udim itu Yesus ngiciak ngan ughangtu, “Ngapau kamu nidau percayau?” Ughangtu kemangan ngan penakut, mangku ngiciak sughang ngan diau lain, “Sapau sebenaghau Jemau ini? Diau merintaka angin ngan umbak, mangku diau ghedam.”

Benia diau tumban di jalan ibarat jemau diau ndengagh kici'an itu, anyautu iblis datang merebutinyau jak di atiau, supayau diau jangan percayau ngan jangan diselamatka.

Gegalaunyau diau tebuni ka kina'an ngan gegalau resiau ka dikeruani.

Mangku tinau tadi keruan, bansau peremba'autu la dikeruani. Itula sebapau diau datang sampai gemetagh, mangku nunduak di adapan Yesus, diceritaukanyau ngan jemau banyaktu, tuapau sebapau diau mbibit Yesus, mangku masau itula pulau idapannyau ghadu. Mangku Yesus bekatau ngan diau, “Kaba dighadui, karnau kaba percayau. Baliakla ngan selamat.”

Anak-buahau pegi mbangunka Yesus, kataunyau, “Guru, Guru, kitau laka tebenak!” Yesus bangun mbentak angin ngan umbak besak itu, mangku angin ngan umbaktu mandak, danau itu diam.