Popular Bible Verses from YUHANIS 19

Share

La udim Yesus ngisap ayiak anggur itu, Diau bekatau, “La udim!” Mangku Diau ngelintuakka pala'Au ngan nyeraka nyawauNyau.

Yesus keruan, mbak kini gegalaunyau la udim, mangku supayau ditepati setu diau ditulis di Injil Diau bekatau, “Aku aus!”

Satu Yesus nginak endu'Au ngan anak-buaHau diau disayangiNyau di pasighau, Diau bekatau ngan endu'Au, “Mak, ini anak dighi!” La udim itu Yesus bekatau ngan anak-buaHautu, “Itu mak kaba!” Mangku mulai masau itu anak-bua tadi nerimau tinau itu mendam di ghumahau.

Satu tenteratu sampai ke Yesus, ughangtu nginak, Diau la mati, mangku ketingAu nidau dipataka. Sughang jak di tentera itu nuja ghusuak Yesus, mangku ngeluagh dagha undak ayiak.

Luak itula ditepati setu diau ditulis di Injil, “Nidau sutiak kia tulangAu ka dipataka.” Mangku adau pulau ditulis, “Ughangtu ka ngina'i Jemau diau dituja.”

Yesus ngeluagh ngan mikul salipAu pegi ke bukit diau dikiciakka Kerungkang Palak, basau Ibrani dinamauka Gulguta.

Tentera-tentera mbuat gitar jak di ghanting bedughi, dikenauka di palak Yesus, mangku disurumka baju rajau ngan Diau.