Popular Bible Verses from YUHANIS 14

Share

Aku mbuat ati kamu tenang. Keinji'anKu Kuenjuakka ngan kamu, mangku diau dienjuakka itu ukan luak diau dienjuakka deniau. Nidau nanti temas, ngan nidau nanti penakut.

Katau Yesus, “Akunila jalan ngeruani Allah ngan idup nian. Nidau sughang kia diau pacak njenguak Bapak, amun nidau karnau Aku.

“Janganla kamu temas.” Katau Yesus, “Percayaula ngan Allah, percayaula pulau ngan Aku.

Anyautu Rua Allah, Penulung diau ka diajung Bapak atas namauKu, diautu ka ngajaghka gegalaunyautu ngan kamu ngan ngingatka gegalaunyau diau la Kukiciakka ngan kamu.

Jemau diau nerimau perintaKu ngan nurutinyau, jemau itula nyayangi Aku. Mangku jemau diau nyayangi Aku ka disayangi BapakKu. Aku pulau ka nyayangi jemautu ngan nyatauka diriKu ngan diau.”

Aku ka mintakka ngan Bapak, mangku Diau ka ngenju'i kamu Penulung lain diau ka adau guak kamu selelamaunyau. Diau itu Rua Allah diau ka nyatauka, sapau Allah sebenaghau. Deniau nidau pacak nerimau Diau, karnau deniau nidau nginak Diau ngan ngeruani Diau. Anyautu kamuni ngeruani Diau, karnau Diau di guak kamu ngan mendam dalam kamu.

mangku setu diau kamu pintak atas namauKu ka Kuenjuakka, mangku Bapak dipuji karnau Aku. Tuapau kila diau kamu pintak atas namauKu ka Kuenjuakka.”

“Amun kamu nyayangi Allah, kamu ka nuruti gegalau perintaKu.

Di ghuma BapakKu banyak bada. Amun nidau luak itu, cetau Aku nidau ngiciak ngan kamu, bansau Aku pegi endak nyediauka bada batan endak kamu.

La udim Aku pegi ke situ ngan nyediauka bada batan endak kamu, Aku ka ngulang agi, mangku mbatak kamu ke badaKu, supayau di manau badaKu, di situ pulau bada kamu.

Tumas ngiciak ngan Yesus, kataunyau, “Tuhan, kami nidau keruan, ke manau Dighi pegi. Luak manau kami keruan jalan?”