Popular Bible Verses from RASUL 5

Share

Pitrus ngan rasul lain nimbal, “Kami mesti nuruti kendak Allah, ukan kendak manusiau.

Mangku idang aghi ughangtu maju ngajagh, empuak di Ghuma Allah empuak di ghuma jemau, ngiciakka ceritau Yesus, Diaula Almasih ngan Rajau Penyelamat.

Mangku Pitrus ngiciak ngan diau, kataunyau, “Ananias, ngapau kaba enangka iblis nguasaui ati kaba? Ngapau kaba mbu'ungi Rua Allah ngan mbunika separau tanci regau tanatu? Selamau tanatu lum dijual, itu hak kaba. La udim dijual, tanciau hak kaba pulau. Ngapau kaba endak mbuat luak itu? Kaba ukan mbu'ungi manusiau, tapitu mbu'ungi Allah.” Satu ndengagh kici'an itu, Ananias rubua mangku mati. Jemau diau ndengagh kejadian itu takut galau.

Mbak kini dengaghkala kataukuni: Jangan diapau-apauka ughangtu, dienangka ajau. Amun ajaghan ngan kerjau ughangtu asalau jak di manusiau, cengki ka abis. Amun itu asalau jak di Allah, kapu dighi nidau pacak ngabiska ughangtu. Asauku ka tenyatau, bansau kapu dighi melawan Allah.” Mangku petua Gamali'iltu diterimau.