Popular Bible Verses from Markus 11

Share

Jadi', pe'epei lolita-ku toi: Ane mosampaya-koi mperapi' napa–napa, pangala'-mi-hana kanawai'-nimi Alata'ala napa to niperapi', pai' bate nitarima.

Mpu'u ku'uli'-kokoi: Ane rapa'-na ria tauna to mpo'uli'-ki bulu' tohe'i: ’Te'ongko'-moko, mengkanawu' hi rala tahi'!’ bate majadi', asala neo' morara' nono-na pai' mepangala' mpu'u-i napa to na'uli' bate madupa'.

”Pai' ane mosampaya-koi, ane ria to nipodaa'-ki doo-ni, ampungi-i ulu, bona Tuama-ni to hi suruga wo'o mpo'ampungi sala'-ni. [

Na'uli' Yesus: ”Mepangala'-mokoi hi Alata'ala!

Natudui'-ra, na'uli': ”Ha uma ni'incai napa to te'uki' hi rala Buku Tomoroli'? Alata'ala mpo'uli' hewa toi: ’Tomi-ku mpai' jadi' tomi posampayaa to rapake' tauna humalili' dunia'.’ Hiaa' koi'-koina, niponcawa tomi toperampaki-di!”

Hilou-ramo mpotoa' Yerusalem. Wori' tauna mpotuku'-ra. Ria-ra to meri'ulu, ria wo'o-ra to hi boko'. Wori'-ra mpokodo pohea-ra hi mata ohea to natara Yesus, pai' hantongo' wo'o-ra hilou mpo'ala' rau–rau kaju hi pampa pai' rakodo hi mata ohea, bona mpobila'-i. Tauna to wori' toera, ntora mogora-ra mpo'uli': ”Une'-imi Pue' Ala!” ”Pue' mpogane' Magau' to tumai mpokeni hanga'-na!”

”Pue' mpogane' poparenta-na. Moparenta-i mpai' hewa ntu'a-ta owi, Magau' Daud.” ”Une'-imi Pue' Ala to hi rala suruga!”