Popular Bible Verses from LUKA 3

Share

Kïkany kepatisan pïchay löwïr, kepatisan Yeso tïkwïl. Otini kisoghöy kïyata yïmö, kïrökyï Mïkulögh nyo Tïlil nyo kitïng por nyo lata chepïrïm. Kungwïna kut yïm nyo kilö, “Ichinyi Werïnyan kegh nyo le chamanenyan. Ochömeninyi kegh tya.”

Kïlenchï Yoana chane löwïr, “Opötisönekwa ompö pögh, wölo pïnï lötunyan chi nyo wow kïtïlanïn nyo mömïchinanïnye ompö atyak kweghkachi. Pötisönekwa nyinte ompö Mïkulögh nyo Tïlil nko ma.

Agha nyu tïkwïn cho poru lö, kyokötekwa ngokikwo amotor amwagh akwane lö, kïchï monïngo Apraam. Omwowokwa nyoman lö, muköy Tororöt kwighöy koghichete kilïkwï monïngo Apraam!

Kimi oywö kïpsach nyo töröy ighin pö ket. Kïtöröy ket anka tïkwïl nyo meyinönye akwa cho karamach akewirchï ma.”

Kile wölo kikikirta ompö kitapu werkoyon Isaya lö, “Mi chi nyo tegho surkwen lö, ‘Agha ara Echotyon, oghïtenö ortïnechi. Kinyïghitöy mpöghogh anka tïkwïl nyo mötïny. Akeporöy kutïng nyo wow nko nyo mïnïng kïghïtö, kighïtoy ortïn cho kikudisyö akeghöy ortïn cho mïkököch. Sïwïyi nyu pich löwïr sörunöto Tororöt.’ ”