Popular Bible Verses from MATAYO 7

Share

“Sabe mulahebwa, rune mulanyoola; khong'onde mulekulilwa.

Okhuba siomundu osabanga ahebwanga, ne orunanga anyoolanga, naye okhong'ondanga yekulilwanga.

“Khe siomundu ohulilanga amang'ana kanje yaka nakakhola, alafwananibwa nomundu omuchesi, owombokha inyumba yiye khulwanda.

“Khol'le abandi akamwenyanga nabo bamukhol'le: Yaka niko aka amalako ka Musa nende amalako kabaroobi kebaalanga.

Nebutswa esilibwa esitsitsanga mubulamu nesitititi ne injila eyinjilanga mubulamu neindinyu ne abachinyoolanga nibati.

“Mwinjile okhubir'ra musilibwa esinyelele okhuba esilibwa esiokhwinjila mukhutiba nesibambukhu khandi injila etsitsanga mu Kehena neimbambukhu, ne abenji bachendanga khuyo.

Inywe, abali ababi mwamanya okhuha abaana benywe ebihanwa ebilahi. Kho Papa wenywe oli mwikulu sialasilaana muno okhumuhelesia ebindu ebilahi yabo abamusabanga!

“Murakhalachila abandi esiina, kho Nyasaye alekhe okhumukhalachila esiina, okhuba Nyasaye yakhamukhalachile esiina singa obwa nenywe mukhalachilanga abandi. Ne amalako kamurumikhilanga khubandi niko aka Nyasaye yakharumikhile khwinywe.

“Ne siomundu ohulilanga amang'ana kanje kano narakakhola tawe, alafwananibwa nomundu omusilu owombokha inyumba yiye khumuyekhe.

Ne busina ohenganga akhaswaswi akhali mumoni yomwana wenywe, nebutswa norahendela khwo omukul'lo okuli mumoni mumwo omwene? Kata wakhabool'la mbwena omwana wenywe lekha khuhinie akhaswaswi akhali mumoni yiyo ne lola omukul'lo nikuli mumoniyo omwene?

“Muchetsihe khubaroobi bobubehi, abetsanga khwinywe nibafwana singa amakondi nebutswa musi bali singa ebibwe ebilulu. Mulibamanyila khubikholwa biabwe. Amahwa sikamanga khwo emisabibu tawe khandi ebisisia sibiamangakhwo amakhuyu tawe.

Omusaala omulahi kwamanga ebiamo ebilahi, nebutswa omusaala omubi kwamanga ebiamo ebibi.

Omusaala omulahi sikunyala okhwama ebiamo ebibi, nohomba omusaala omubi sikunyala okhwama ebiamo ebilahi tawe.

Ne omusaala kwosi okuraama ebiamo ebilahi kuremakungwa nikufuubwa mumul'lo.