Popular Bible Verses from MARKUS 12

Share

Anasa Yesus adya benyek an lebokaʾ ara, ”Hyak men nonogoka dib nongnya ulumla yub era, Wei, ugunda Israeli nim o, keblulum e! Nunjaʾ wenelesilnya Imik Neyung ara, hnonok ok ulumla. Anjaʾ neyung Imik Neyung ak ganya gebman wanaʾ ululom, anja nong unaʾ gebman wanaʾ ululom, anja ganya seininaʾ gebman wanaʾ ululom, anja migib gebman wanaʾ ululom, hyok. Penenya nera, Andam nang an nong ak wanaʾ uldalalam sok, anjaʾ yok nim ek unu wanaʾ ululom. Ban penya yuba damok danyek, hyak dib nongokanya, yoknya nera or sobaʾ so ak ulumla,” hyok.

Anyek eiyiboka, Yesus adya alja yuba doro diriga ban nang ek anyagan yoululum aboka, sikenek, ”Nara ugunuk dib lebsin, yok nimi gong dara, or mek so doronggak bok, ban yougel genyek, hyak nauba ak doronggamla. Nimi gong dara, nauba ulumlaʾ ak ab bok loboka doronggak bok, ban gel genyek dara, alba denaʾ amba bokaʾ anyek, alak an ululanya nera nidyaʾ gobdo doronggamla,” wenyaboka lebok.

Dara yok sum enyek, Yesus ara nim Imik Neyung amba rupiah doronglomekaʾ ak mokso bukoka, huru doronglomak do aboka, kemelemok. Dara, nimi bonaʾ dub nimi gong era rupiah nauba doronglemek. Bok neikek anara, gela hnon yougel gek yeiniboka, hyak mek rupiah enyek penya makoka doronggok.

Wera, Imik Neyung ak ganya gebman wanaʾ uboka, ella unaʾ gebman adya hnon wanaʾ uboka, onoʾ migib gebman adya hnon wanaʾ uboka, onoʾ anja yok nim ek an damnya wanaʾ uldalalam sok, unu wanaʾ ulumnelam dara, perob nongnya nera an; alda Imik Neyung amba pam oboka beiyiboka, yokaʾ-yokaʾ nidyaʾ giboka eleknanya nenegom,” hyok.

Anasa, Yesus ara sikenek lebsukaʾ ara, ”Wera anasa, Kaisar dubnya wenesinya bedyinya nera, dubnya Kaisar bek elegolulum. Anya, Imik Neyung adyinya nera, Imik Neyung ak elegolulum,” hyok. Dara sikda alja wenyaboka neksukaʾ anyek, sikda hyak loka dabsuk.