Popular Bible Verses from LUKAS 3

Share

Wera nimi nidyaʾ meka dabsuukanya, onoʾ Yesus anaba meka dabookanya, heng uboka molol yabok salek, im pik ara gabdebok. Dara, Imik Neyung Geisinya ara yalma wining uruma anasoʾ anyek, lak-lak aboka, Yesus eilib ak bul yinggyuk. Anya, imik ab yuba hnon kebekaʾ ara, ”Anda nadya hyak wanaʾ nong ulunggen me, an nong adya nadya ganya heklenel,” hyok.

Anasa wera, Yohanes Pembaptis bedya sikda nidyaʾ ak lebsuk ara, ”Nadya dara, wenera mek dem adya dalasin bok, eimik era hyak senenggomnya yanamla. Alja yan ongonaʾ eneba na meknya bedya dara, henga loboka gwiriwamenggom. Alja danyek, wera eimik era, ugunuk Imik Neyung Geisinya adya hnon, uk adya hnon, mek dibaʾ dabnesil.

Wera anasa, nunda seleb malya unaʾ ak ab ganya danganaʾ geknewolul aboka, anyek sunuwoka beknaʾ okoka unulululum. Anya ugunja ganya lomok ara, Abraham bera nunja neyung ulumlaʾ anyaʾ seneldanggom mem! Anasa nara ugunuk wenyhenesin, Imik Neyung ara ban girik danaba nimi geboka, Abraham nang yilaʾ dangiyiwanemso!

Dara ya ara gal yarengek sam seleb orowek dibok. Anera gala nidyaʾ yok-yok doka pe mounggulumnelanya nera, eimik era weboka uk lomok dobdabnamla,” wenyaboka lelemok.

Wera ununumnaʾ lenya Yesaya buku lomok sam momnya dobokaʾ ulumla sok, ”Hwalek mok yuba hnon bii aro yabalamlaʾ ara, Wenelesilnya bemba pika memewoka, alsamba pika haboka jongaʾ gebnelum. Dokloma guruklamlaʾ yok-yok ara sangawolul aboka soko beibnelumukanya, mein yema yok-yok bululanya nera, sangab lobnelum. Dara, gongolyaʾ yengem kweilim alalanya nera, jongaʾ nenewanalumukanya, gurung elim alalanya nera, pe sangawanelum. Dara, nimi nidyaʾ ara Imik Neyung adya blebsinaʾ ara eimik era, henga boro beiyiboka eibnemak,” wenyaro momnya dobokaʾ ak, wenyalamok.