1
Mark 14:36
Udél Dwata: Gna Kesfasad ne Lomi Kesfasad
“Ó Mà, laen dù là gbekem du. Hol kóhem tahu dé yóm angat tey hlayamu. Okóm balù wen se ni hem dou kóyô, yó dém kóm kóyô tódô hendengem.”
Compare
Explore Mark 14:36
2
Mark 14:38
Bud monen mò kul, “Bê ye tagad tungô dé. Hol ye mni bè Dwata anì là wen gónó ye gsindil bè Seitan. Tngónu wen se óyô ye mò du yóm monu mò kuy ni, okóm là gbek lówó ye du.”
Explore Mark 14:38
3
Mark 14:9
Tódô tulónu kuy ktahuhen, balù kihu gónón angat e mból bè klamangen benwu yóm Tulón Hyu lemwót bè Dwata, angat tendo gel gboluy snéen kun nim libun ni lemwót bè yóm deng nmoen béléu.”
Explore Mark 14:9
4
Mark 14:34
ne monen mò kul, “Tey sidek gnóm yóm gleket béléu ni, là hol tô gbeku hembala du. Nô ye bè ni ne kuy, hol ye mingat.”
Explore Mark 14:34
5
Mark 14:22
Yóm igò le tolo mken, nwa Jisas yóm mambang, bede nan na mni bè Dwata, ominen kembéng du, ne blayen yó kem gel lemolò du, yó monen, “Ni, ni se yóm dou lówó. Nwa ye, ne ken ye.”
Explore Mark 14:22
6
Mark 14:23-24
Ominen mkay yóm tgayan gónón nô yóm ninum le, nan bud mni bè Dwata, ominen bemlay du kul, ne gotu sensinum le. Yó monen, “Ni se dou litô mò hemget du yóm fasad nmò Dwata mò lan tau mógów ebéléen. Ne tey tau wen gónóhen gamà nim litóu ni.
Explore Mark 14:23-24
7
Mark 14:27
Bè yóm tolo lel le mógów, mon Jisas mò yó kem gel lemolò du, monen, “Angat gotu sentagak ye ou kedeng, yakà wen yóm deng monen bè Sulat Dwata, yó monen, ‘Angat hfatay Dwata yóm tau semgyok ubiha, ne angat gotu sekla yó kem ubihahen.’
Explore Mark 14:27
8
Mark 14:42
Btik ye ne. Ngem yó dé yóm tau mlay do sumóng, na tekuy e senlong lu.”
Explore Mark 14:42
9
Mark 14:30
Bnalà Jisas se, monen, “Tódô tulónu kóm ktahuhen, Pitér. Gu laanen là deng kmóót onuk bè gewuhen dulék kifu ni kdeng, deng sana tlu dulékem ne hmalà yóm ketngónem dou.”
Explore Mark 14:30
Home
Bible
Plans
Videos