1
Matyu 27:46
Udél Dwata: Gna Kesfasad ne Lomi Kesfasad
Timbow deng sóól mosol kdaw, omin Jisas hgel udélen, monen bè hol kun udél, “Eli, Eli, lema sabachthani?” Yó lanen yóm udélen yó, monen, “Ó Dwata, Ó Dwata, moen de ke tódô bayaem ou?”
Compare
Explore Matyu 27:46
2
Matyu 27:51-52
Uma kóm bè yóm Gónô Dwata, wen tey nes mfól mò seng yóm dfél hetfing le ebè Dwata. Bè yóm kilot nawa Jisas, tódô sen-gengen lómón ke hninggel dnólóhem bè gónón sóól yóm nes yó, lemwót fi ta kól elaan. Ne tódô sen-gengen se mbel tey linol bong, tódô gotu meskang se yó kem botu lembang. Ne gotu setngag yó kem kilib gónó le lembeng, ne tey dê bè yó kem kun tau Dwata deng tehe matay, gotu bud hlowil Dwata lu.
Explore Matyu 27:51-52
3
Matyu 27:50
Omin Jisas bud hgel du udélen, ne tódô milot se nawahen.
Explore Matyu 27:50
4
Matyu 27:54
Bè yóm kehto Jisas, tolo mentey yóm kfitan, mung du yó kem sendaluen. Ya tey sidek klikò le bè yóm tey linol ne yó kem dê dumu ton le. Botong mon le, “Tahu duhen ni se yóm Ngà Dwata.”
Explore Matyu 27:54
5
Matyu 27:45
Tikóng deng gtungu kdaw, tódô kmifu talak tonok efet sóól mosol kdaw.
Explore Matyu 27:45
6
Matyu 27:22-23
Ne mon Paylét, “Tedu se tô kmou ke Jisas du, yóm bnoluy le Misaya?” Deng mom yó balà le du, mon le, “Htutukem bè kros kun yó du.” Bud snólók Paylét bélê le, monen, “Moen de? Tedu deng salaen bélê ye?” Okóm deng mom lenwê le hetê, mon le, “Tódô htutukem bè kros ne.”
Explore Matyu 27:22-23
Home
Bible
Plans
Videos