Popular Bible Verses from MATEUS 24

Share

Kapapa sasar tayap dia lue-luen sampai are oloh dia olih tinai malalus gawin asi. Tapi oloh je tahan sampai kalepahe, kareh inyalamat.

Tuntang Barita Bahalap tahiu kilen ampie Hatalla marentah, kareh insanan akan hapus kalunen, uka kakare oloh uras mahininge. Limbah te harun dumah andau kiamat.”

Keton kareh mahining kare auh kalahi tuntang barita parang, tapi ela mikeh. Basa kare taloh te uras manjadi, tapi jete dia mansanan katikae jari kiamat.

bangsa ije kareh hakalahi malawan bangsa je beken, tuntang negara ije kareh manyarang negara je beken. Hong hete-hete kareh lembut bahaya tapas panginan tuntang petak hagerek. Kakare taloh te baya tamparae bewei, kilau kapehe je buah ije biti oloh bawi katika ie handak luas.

Langit tuntang petak kareh lilap, tapi auh-Ku tetep sampai katatahie.”

Basa are oloh kareh dumah mahapan arang-Ku tuntang hamauh, ‘Aku toh Raja Panyalamat!’ Ewen kareh mananjaro are oloh.

Limbah te keton kareh inawan tuntang inyarah oloh mangat ingapehe tuntang impatei. Hapus kalunen kareh manyingi keton awi keton murid-Ku. Hong katika te are oloh kareh mundur kapercayae, tuntang hadawa sama arepe hayak basingi sama arepe. Are nabi pananjaro kareh lembut, tuntang mananjaro are oloh.

Yesus tombah, “Keleh keton bajaga, ela sampai keton inanjaro oloh.

Awi te, keton musti tata-tatap dengan arep keton. Karana Anak Olon kareh dumah hong katika je dia olih keton mangatawae.”

Jadi keleh batawat, basa keton dia katawan hamparea Tuhan kareh dumah.

“Jaton oloh je katawan hamparea andaue tuntang jame, kare malekat hong sorga mahin dia, Anak Hatalla mahin dia, baya Bapa bewei je katawan.

Basa kareh lembut kare panyalamat pananjaro tuntang kare nabi pananjaro. Ewen kareh malalus kare gawi je lala-lalau kahaie, tuntang kare taloh heran hapa mananjaro, amon tau mananjaro ungkup ain Hatalla kea.

Amon Anak Olon dumah kareh, jete ampie sama kilau jaman Noah horan. Hong kare andau helo bara danum soho te, kare oloh kuman mihop, tuntang kawin. Kalote raju-rajur sampai akan andau Noah tame akan huang banama. Hong wayah danum soho te mantakan ewen samandiai, harue ewen ingarendeng tahiu taloh je kanjerae manjadi. Maka kalote kea ampie kareh amon Anak Olon dumah.