Popular Bible Verses from MATEUS 13

Share

Tuntang binyi je manjato intu petak je basiwoh, jete tanding kare oloh je mahining barita te tuntang haratie. Ewen mamua labat, aton je saratus, aton je jahawen puluh, tuntang aton je telo puluh lipet hasile.”

Binyi je manjato marak kare rowut haduhi, tanding kare oloh je mahining barita te, tapi mikeh tahiu pambelom ewen tuntang mipen belom tatau sanang. Tagal te barita bara Hatalla te ingalambon huang atei ewen sampai dia tau mamua.

Binyi je manjato intu jalan jete tanding kare oloh je mahining barita tahiu ampin Hatalla marentah, tapi ewen dia haratie. Taloh Papa te dumah tuntang marampas taloh je jari inawor huang atei ewen.

Binyi je manjato hong eka je are batue, tanding kare oloh je mahining barita te, tuntang balalu manarimae dengan hanjak ateie. Tapi barita te dia muhat huang atei ewen, sampai dia tahan tahi. Sana ewen mangkeme kasusah atawa kapehe ganan barita te, te ewen balalu manolak barita te.

“Amon Hatalla marentah, jete ampie kilau paribasa toh: aton ramo je bakalian hong penda petak palus inyondau awi ije biti oloh, tuntang inamean tinai akan huang petak. Limbah te awi kahanjake, oloh te haguet manjual salepah kare ramoe, palus haluli tuntang mamili petak te.”

Tapi aton binyi je manjato akan petak je basiwoh, palus mamua; aton je saratus, aton je jahawen puluh, tuntang aton kea je telo puluh lipet.”

Nauhe ih kare tingen te belom haya-hayak sampai wayah getem. Kareh aku handak hamauh dengan kare oloh je manggetem: Nampunan helo tingen te, meteng, palus inusul. Limbah te nampunan parei te, palus iingkes huang lepau.’ ”